Rådgjevar - Regional kompetanseutvikling - Vikariat 12 månader.
Vestland fylkeskommune
- Frist 3.5.2021
- Ansettelsesform Vikariat
RådgjevarRegional kompetanseutvikling, kommunikasjon og nettverksarbeid
Rett kompetanse er ein viktig føresetnad for innovasjon og næringsutvikling. Vestland fylkeskommune har ansvar for å samordne arbeidet med regional kompetanseutvikling og sikre ein god balanse mellom tilbod og etterspurnad etter kompetanse og arbeidskraft. Som eit ledd i dette arbeidet har Vestland fylkeskommune etablert ein samarbeidsmodell som omfattar aktørar både frå utdanningssektoren, næringslivet og offentleg sektor. Fylkeskommunen har òg eigne verkemidlar.
Stillinga er knytt til seksjon for forsking, kompetanse og internasjonalisering, i avdeling for innovasjon og næringsutvikling. Som rådgjevar hjå oss får du spele ei aktiv rolle i arbeidet med å sikre fylket rett kompetanse for framtida. Ved hjelp av gode kommunikasjons- og samarbeidsevner skal du bidra til å byggje den kompetansen vi trenger i eksisterande og framveksande næringar. Vi lukkast med dette gjennom godt informasjonsarbeid og støtte til dei rette tiltaka. I denne stillinga får du ei sentral rolle i informasjonsarbeidet som trengs for å nå dei aktuelle aktørane.
Arbeidsoppgåver
- Utarbeide ein kommunikasjonsplan for arbeidet med kompetanseutvikling i arbeidslivet.
- Ta i bruk sosiale media og andre digitale kanalar for å nå ut til målgruppene.
- Produsere nyheitssaker/nyheitsbrev.
- Kontakt med regionale kompetanseforum, bransjekontaktar og samarbeidsaktørar.
- Handsame søknader om tilskott til kompetanseutvikling.
Kvalifikasjonar
Den som vert tilsett må ha
- relevant mastergrad, fortrinnsvis samfunnsvitskaplege fag
- arbeidserfaring frå tilsvarande arbeid
Det er ein føremon med
- kjennskap til utdanningssektoren og næringslivet i Vestland
Personlege eigenskapar
- Stor arbeidskapasitet og gjennomføringsevne
- Løysingsorientert og nytenkande
- Strukturert og sjølvstendig
- Gode samarbeidsevner
- Fleksibel
- Evne til å byggje nettverk
Vi tilbyr:
- Faglege og personlege utfordringar i eit godt og inspirerande arbeidsmiljø.
- Gode offentlege pensjons- og forsikringsordningar.
- Løn etter avtale.
- Fleksibel arbeidstid.
- Stilling i ei inkluderande arbeidslivsverksemd (IA-verksemd).
Andre opplysningar: - Dersom du har spørsmål, ta gjerne ein prat med kontaktperson.
- Arbeidsstad i fylkeshuset i Bergen eller Leikanger.
- Administrasjonsmålet i fylkeskommunen er nynorsk.
- Snarleg tiltreding.
Alle nytilsetjingar vert gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
- Sektor: Offentlig
- Sted: Sandslivegen 30, 5254 Sandsli
- Bransje: Offentlig administrasjon
- Stillingsfunksjon: PR og informasjon, Saksbehandler
Nøkkelord
kommunikasjon, informasjon, kompetanse
- FINN-kode 214956064
- Sist endret