Spesialrådgjevar – regional forskingsadministrasjon
- Arbeidsgiver
- Helse Bergen
- Stillingstittel
- Spesialrådgjevar – regional forskingsadministrasjon
- Frist
- 25.05.2021
- Ansettelsesform
- Fast
Forskings- og utviklingsavdelinga i Helse Bergen har regionale oppgåver innan forsking, og teamet som handterer regionale forskingsoppgåver lyser ut ein ny, fast 100 % stilling som spesialrådgjevar. Stillinga er ved Regionalt kompetansesenter for klinisk forsking, som er organisert til Forskings- og utviklingsavdelinga. Kompetansesenteret gir rådgjeving og støtte til helseføretaka, og har eit initierande og koordinerande ansvar for nettverksfunksjonar innan forsking og innovasjon i helseregionen. Kompetansesenteret er sekretariat for Helse Vest sitt samarbeidsorgan med regionens universitets- og høgskuleinstitusjonar, Regionalt samarbeidsorgan for forsking og innovasjon.
Vi søkjer etter ein medarbeidar med høg kompetanse og relevant erfaring frå forskingsadministrativt arbeid på overordna nivå som kan bidra til å styrkje regionalt og nasjonalt samarbeid om forsking. Spesialrådgjevaren vil samarbeide tett med fagleiar ved kompetansesenteret og med leiinga i regionen og andre helseføretak. Spesialrådgjevaren vil inngå i eit team av medarbeidarar som har som oppgåve å støtte det regionale helseføretaket i arbeidet kring forsking og innovasjon på eit overordna nivå.
Arbeidsoppgåver
- Styrkje og vidareutvikle strategisk samarbeid om forsking, både på regionalt og nasjonalt nivå
- Organisere og leie ulike arbeidsgrupper
- Arrangere konferansar og nettverkssamlingar
- Utgreiingsarbeid, saksførebuing og oppfølging av saker, inkl. oppfølging av Helse Vest sine forskingsmidlar
- Det kan vere aktuelt med andre oppgåver innanfor temaområdet forsking og innovasjon.
Kvalifikasjonar
- Utdanning på mastergradnivå
- Relevant erfaring frå forskingsadministrativt arbeid på overordna nivå
- Erfaring med å leie utgreiingsarbeid og arbeidsgrupper blir vektlagt
- Kjennskap til organisering og styring av norsk helsevesen blir vektlagt
- God skriftleg og munnleg framstillingsevne blir vektlagt, og søkjar må beherske norsk og engelsk
Personlege eigenskapar
- Vere initiativrik, sjølvstendig og analytisk
- Kunne jobbe målretta og resultatorientert, men også vere fleksibel
- Ha god evne til å organisere, vere flink til å prioritere arbeidsoppgåver
- Ha gode samarbeidsevner og å vere eigna til jobbens krav
Vi tilbyr
- Vi kan tilby spennande utfordringar i ein organisasjon som er i sterk utvikling, dyktige og engasjerte kollegaer samt interessante og krevjande arbeidsoppgåver
- Lønn etter avtale
Om arbeidsgiveren
Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor
- Offentlig
- Sted
- Haukelandsveien 22, 5009 Bergen
- Bransje
- Forskning, utdanning og vitenskap,
- Helse og omsorg,
- Offentlig administrasjon
- Stillingsfunksjon
- Rådgivning,
- Samfunnsviter
Nøkkelord
forsking, forskingsadministrasjon, utgreiingsarbeid
Spørsmål om stillingen
- Kontaktperson
- Sølvi Lerfald
- Stillingstittel
- Fagleiar
- Telefon
- 55 97 47 34
Haukelandsveien 22, 5009 Bergen