Er du vår prosjektleiar til prosjekt Sikkerheit- og beredskapskultur i NAV Vestland ?

NAV fylkeskontor Vestland vil styrke sikkerheit- og beredskapsarbeidet. Vi har som målsetting å innføre ein tydeleg sikkerheit- og beredskapskultur. I ein periode framover satsar vi derfor med kvalifisert kompetanse og dedikerte ressursar inn i eit utviklingsprosjektet.

Sikkerheit i NAV er eit stort og omfattande fagfelt. Sikkerheit omfattar også beredskap, personvern, informasjonssikkerheit og systematisk HMS arbeid. Ansvaret for arbeidet er organisert i linja i NAV, i direktoratet, på fylkeskontoret og i det einskilde NAV-kontor.

NAV fylkeskontor Vestland har ansvar for at einingane fylgjer opp og praktiserer gjeldande lovverk, retningsliner og rutinar. Fylkeskontoret skal gjennom einingsleiarane sjå til at sikkerheit- og beredskapsarbeidet blir ivareteke og er forankra i organisasjonen.

Organisering av prosjektet:
For å sikre kvalitet og framdrift i prosjektet skal det tilsettast ein prosjektleiar i 100% stilling i 12 månader. Prosjektleiar får tilgang til ei operativ arbeidsgruppe. Fylkesleiinga vil vere representert i styringsgruppa. Styringsgruppa skal også ha representantar frå vernetenesta og tillitsvalde på fylkesnivå. Det er utarbeida mandat for prosjektet. NAV Vestland legg stor vekt på utviklings- og forbetringsarbeid, og har ein vedteken strategi på bruk av Lean-metodikk for å få dette til.  

Prosjektet skal avklare:

• Fordeling av ansvar mellom ulike nivå i NAV Vestland
• Samspel mellom NAV Vestland og Arbeids- og velferdsdirektoratet
• Korleis vi dokumenterer kvalitet i sikkerheit- og beredskapsarbeidet (gjennom planverk, risikovurdering, avvikshandtering og praktisering av personvern gjennom krav i GDPR mv.)     

Prosjektet skal lage gjennomførings- og opplæringsplanar:

• Korleis bygge ein god sikkerheitskultur der avviksrapportering er ein viktig og naturleg del av kontinuerleg utviklingsarbeid?
• Korleis betre rutinar for avviksregistrering?
• Korleis få til auka forståing for samanhengen mellom avvik, risikovurdering og forbetring?
• Korleis ansvarleggjere, skape entusiasme og engasjement rundt dette viktige arbeidet?
• Korleis utvide omgrepet sikkerheitskultur til HMS-kultur, slik at ein ser alt HMS-arbeid i ein samanheng?

Kvalifikasjonar

Du må ha:

• høgre utdanning, minimum på bachelornivå t.d innan risikostyring og sikkerheitsleiing. Relevant erfaring kan kompensere for manglande utdanning.
• erfaring frå sikkerheits – og beredskapsarbeid i større organisasjonar, gjerne frå offentleg sektor
• erfaring frå prosjektleiing

Personlege eigenskapar

Vi ser etter deg som:

• er resultatorientert, set deg tydelege mål og arbeider hardt for å nå dei
• er god på planlegging; du utviklar omfattande og realistiske planar
• har gjennomslagskraft
• er ein problemløysar som utviklar effektive, fornuftige og praktiske løysingar
• er en god formidlar både munnleg og skriftleg

Vi tilbyr

• Høve til skape utvikling innan eit viktig område i NAV Vestland
• Eit triveleg arbeidsmiljø med dyktige og engasjerte kollegaer
• Tilsetting i stillingskode 1364 seniorrådgjevar, lønnspenn kr 586 500 - 643 000 per år
• For særleg godt kvalifisert søkjar kan høgre lønn vurderast
• God pensjonsordning gjennom Statens pensjonskasse (frå lønna blir det trekt 2%)