Psykologspesialist/psykolog

Nordfjord BUP har ledig 100% stilling for psykologspesialist/psykolog frå 1. august 2021.

Poliklinikken har 14 medarbeidarar i faggruppene overlege/LIS, psykologspesialistar/psykolog, sosionom/barnevernpedagog, pedagog, miljøterapeut og administrasjonskonsulent. Dei fleste er spesialistar i sitt fagfelt. Vi arbeider tverrfagleg i team.

Nordfjord BUP er ein seksjon i avdeling for Psykisk helsevern, barn og unge i Helse Førde. Avdelinga består av tre poliklinikkar og ein sengepost.
Nordfjord BUP dekkjer geografisk kommunane Stad, Gloppen, Stryn og Måløy-delen av Kinn, som til saman har ei barnebefolkning i underkant av 7000.

Vi legg stor vekt på å ha eit godt samarbeid med førstelinja for å sikre at barn, unge og familiar får rett hjelp på rett nivå til rett tid. 

Nordfjord BUP sitt motto er: Vi utviklar oss i samspel heile livet!

Vi søkjer etter psykologspesialist/psykolog som er interessert i å jobbe med barn, unge, familiar og som liker å samarbeide med med andre for å få bidra til gode endringssprosessar.

Menn vert oppmoda om å søkje. 

Arbeidsoppgåver

• Utgreie, diagnostisere og behandle psykiske- og nevropsykiatriske lidingar hos barn og unge
• Samarbeide med førstelinja og andre i spesialisthelsetenesta om eit heilskapleg helsetilbod 

Kvalifikasjonar

• Godkjent spesialist i klinisk psykologi, barn og unge / godkjent psykolog
• Beherske norsk svært godt både munnleg og skriftleg 
• Ha god system- og rolleforståing   

Personlege eigenskapar

• Gode evner til å møte barn, unge og foreldre slik at dei opplever seg sett og forstått
• Gode evner til å samarbeide med andre fagpersonar på ein likeverdig og respektfull måte slik at vi kan gjere kvarandre betre
• Fagleg nysgjerrigheit, engasjement, kreativitet og fleksibilitet i møte med arbeidsoppgåver
• Like varierte utfordringar og må trivast i eit aktivt og travelt miljø 

Vi tilbyr

• Mange spennande arbeidsoppgåver
• Eit aktivt tverrfagleg fellesskap med høg kompetanse, som er ope for nye tankar/idear og alltid søkjer etter fornying og forbetring 
• God fagleg vidareutvikling: internundervisning og kursing, evt. arbeidspraksis og rettleiing
• Løn etter gjeldande overeinskomst 
• Gode pensjons- og forsikringsordningar