Bibliotekar/spesialbibliotekar
- Arbeidsgiver
- Høgskulen på Vestlandet
- Stillingstittel
- Bibliotekar/spesialbibliotekar
- Frist
- 29.04.2021
- Ansettelsesform
- Vikariat
Om stillinga:
Ved Høgskulen på Vestlandet er det ledig ei 100% stilling som bibliotekar i perioden 1.6.2021-31.12.2022. Stillinga er knytt til bibliotekets eining for publikumstenester og rapporterer direkte til leiar for eininga. Arbeidsstad er campus Stord, men stillinga kan ha arbeidsoppgåver knytt til fleire campus og kan ha medansvar for samkøyring og utvikling av bibliotektenester på tvers av HVL sine fem campus. Stillinga vil medføra samarbeid med fagmiljø i HVL og innan høgskulebiblioteket.
Om biblioteket:
Biblioteket er organisert som ein del av HVLs fellesadministrasjon, og er i dag organisert med fire einingar, eining for publikumstenester, eining for studiestøtte, eining for forskingsstøtte og eining for informasjonsressursar. Bibliotektenesta omfattar bibliotek på alle fem campus i HVL. Biblioteket har eit breitt tenestetilbod for studentar og tilsette, og det skal vidareutviklast som eit tidsaktuelt utdannings- og forskingsbibliotek som aktivt støtter opp under høgskulens faglege profil og ambisjonar.
Ansvars- og arbeidsoppgåver:
- Skranketeneste og digital fyrstelinjeteneste
- Innlån og fjernlån
- Oppgåver knytt til fysiske samlingar, inkl. arbeid med pensumlister og trykte tidsskrift
- Bidra i undervisning og rettleiing av studentar i litteratursøk og referansehandtering
- Andre oppgåver kan bli lagt til stillinga ved behov
Kvalifikasjonskrav:
Formell utdanning og kompetanse:
- Bachelor i bibliotek- og informasjonsvitskap, eller tilsvarande bibliotekfagleg utdanning
- God digital kompetanse
- Kjennskap til biblioteksystemet Alma og andre biblioteksystem som til dømes Leganto vil vere ein fordel
- God skriftleg og munnleg framstillingsevne både på norsk og engelsk
- Relevant arbeidserfaring og personleg eignaheit vert vektlagt
For tilsetting som Spesialbibliotekar krevst relevant arbeidserfaring frå fagbibliotek
Vi søker etter ein faglig engasjert medarbeidar som er:
- Utviklings- og resultatorientert
- Systematisk
- Serviceinnstilt
- Oppsøkande og initiativrik
- Fleksibel med gode samarbeids- og kommunikasjonsevner
- Stillinga krev evne til å både arbeide sjølvstendig og i team
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheit for kompetanseheving - og utvikling
- Høve for trening i arbeidstida
Stillinga ved biblioteket er løna etter Statens lønsregulativ, i stillingskode 1410 - bibliotekar eller stillingskode 1515 - spesialbibliotekar.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka "Søk stilling" på denne sida.
Det er søkjar sitt ansvar at alle relevante vedlegg, som attestar og vitnemål er lagt inn innan fristen. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga er større enn 15 MB må dei komprimerast før opplasting eller leggast ved som lenke.
Søknader kan ikkje sendast på e-post til enkeltpersonar ved høgskulen.
Generell informasjon:
Me gjer merksam på at jfr. ny offentlegheitslov kan opplysningar om søkjaren bli gjort offentlege sjølv om søkjaren har bede om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.
Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
Kontaktperson(ar) ved Høgskulen på Vestlandet er:
1) Avdelingsleder Biblioteket, Turid B. Hitland, tlf: 555 85 544
2) Einingsleiar ved Eining for publikumstenester, Susanne Daae-Qvale, tlf: 576 76 280
Samspel, berekraft og nyskaping
Samspel, berekraft og nyskaping skal kjenneteikne alt vi gjer.
Vi skal bli eit universitet med ein tydeleg profesjons- og arbeidslivsretta profil.
Les meir på våre heimesider. (http://www.hvl.no)
Video: https://www.youtube.com/watch?v=z-Py_In-Eyg&feature=youtu.be (https://www.youtube.com/watch?v=z-Py_In-Eyg&feature=youtu.be)
Om arbeidsgiveren
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Biblioteket er organisert som ein del av HVLs fellesadministrasjon, og er i dag organisert med fire eningar; eining for publikumstenester, eining for studiestøtte, eining for forskingsstøtte og eining for informasjonsressursar. Bibliotektenesta omfattar fem fysiske bibliotek fordelt på fem campus. Biblioteket har eit bredt tenestetilbod for studentar og tilsette, og skal vidareutviklast som eit tidsaktuelt utdannings- og forskingsbibliotek som aktivt støttar opp under høgskulens faglege profil og ambisjonar.
- Sektor
- Offentlig
- Sted
- Klingenbergvegen 4, 5414 Stord
- Bransje
- Forskning, utdanning og vitenskap,
- Offentlig administrasjon
- Stillingsfunksjon
- Arkivar og bibliotekar