Ingeniør/avd.ingeniør medisinsk teknologi - Ålesund

I seksjon for Medisinsk teknologi Ålesund er det ledig vikariat for eitt år med gode moglegheiter for fast tilsetting.

Seksjonen er ein av fem seksjonar i avdeling for eigedomsdrift og medisinsk teknologi, og vi er organisert i Klinikk for drift og eigedom.

Medisinsk teknologi ved Ålesund sjukehus har i dag 9 stillingar, og seksjonen si kjerneverksemd er medisinsk tekniske tenester; -reparasjon, vedlikehald, innkjøp og brukarstøtte for alt medisinsk teknisk utstyr(MTU). MTU blir i dag i større og større grad kobla opp mot medisinske IT-system og kompetanse og interesse for IT-fag er ønskeleg.

Dette er ei spennande stilling for deg som er teknologiinteressert og ønskjer ein allsidig og meiningsfylt jobb.

Arbeidsoppgåver

• Utføre mottakskontroll, akutte reparasjonar, planlagt vedlikehald, samt omdisponering av MTU.
• Dokumentere og ajourføre utført arbeid og informasjon for MTU i FDV-systemet Medusa.
• Utarbeide risikovurderingar for planlagt vedlikehald av MTU.
• Delta i innkjøpsprosessar ved utskifting og innkjøp av nytt MTU.
• Gi støtte til brukarar av MTU.
• Delta i kvalitetsarbeid innan MTU-området.
• Vedkomande som blir tilsett må rekne med noko reising i samband med kurs og møter.

Kvalifikasjonar

• Ingeniørhøgskule evt. teknisk fagskule med fordjuping i medisinsk teknikk, elektronikk/automatiseringsteknikk, samt relevant IT-kompetanse.
• Grunnleggande kunnskap om oppsett og feilsøking i nettverk/serverar, og gjerne kunnskap om systemintegrasjonar.
• Gode generelle IT-kunnskapar, databehandling og bruk av dataverkty.
• Erfaring med reparasjon/vedlikehald av MTU vil bli vektlagt.
• Det er ønskjeleg med samtykke frå Direktoratet for samfunnssikkerhet og beredskap (DSB) for sjølvstendig å kunne utføre reparasjon av elektromedisinsk utstyr.
• Det er ønskjeleg at kandidaten har gode kunnskapar i norsk og engelsk skriftleg og munnleg.

Personlege eigenskapar

• Vi søkjer etter ein person som er ansvarsbevisst, systematisk, fleksibel og omgjengeleg.
• Vedkomande må kunne arbeide både sjølvstendig og i team.
• Vedkomande må ha interesse for teknologi i samspel med andre.
• Personen må ha gode evner til å kommunisere med brukarar av MTU, leverandørar og andre samarbeidspartar internt og eksternt.
• Evne til å prioritere og takle stressa situasjonar.

Vi tilbyr

• Arbeid i eit travelt og spennande miljø i utvikling.
• Fleksibel arbeidstid innan kjernetida
• Løn etter avtale.
• Gode pensjonsordninger gjennom KLP.
• Arbeidsvilkår elles etter det til ei kvar tid gjeldande lov- og avtaleverk.

Vi ber om at attestar og vitnemål vert scanna og lasta opp som vedlegg til søknaden.