Utløpt

Controller

Arbeidsgiver: Helse Fonna HF
Stillingstittel: Controller
Frist: 18.03.2021
Ansettelsesform: Fast

Helse Fonna søkjer no ein faglig sterk controller for å styrke teamet og sikre føretakets leveransar av framtidas løysningar innanfor analyse og rapportering. Vi ser etter deg som er sjølvgåande, analytisk og nysgjerrig på ny teknologi. Du har evne til god systemforståing og gjerne erfaring frå datamodellering, bruk av datavarehus, strukturering og behandling av store datasett, etablering av rapportar og datavisualisering som støtte til gode beslutningar. Oppstart snarest. Ut frå kandidatane sin kompetanseprofil vil det bli avgjort om det skal tilsetjast 2 controllerar i denne omgang.

Arbeidsoppgåver

Analysearbeid
Samanstille data til beslutningsgrunnlag
Budsjettering
Prosjektstyring
Rådgiving internt i teamet og til einingar i føretaket
Forenkling og automatisering av rutinar, prosessar og system
Kommunikasjon og samarbeid med eksterne ressursar innanfor IT/rapportering

Kvalifikasjonar

Det er naudsynt med gode datakunnskapar
Interesse for og god kjennskap til avanserte Excel- og BI-verktøy (eks PowerBI)
Forretningsorientert og god til å sjå heile bildet
God økonomiforståing
Komfortabel med rådgivar-/konsulentrolla
Evne til å ta ansvar og takle mange arbeidsoppgåver
Utdanning på minimum bachelornivå innan økonomi og/eller IT, fortrinnsvis med 2-5 års relevant praksis, men nyutdanna blir også oppmoda om å søkje.

Personlege eigenskapar

Vi ønskjer å finne medarbeidarar som er analytiske, sjølvstendige og ansvarsbevisste, med evne til å løyse problemstillingar på eige initiativ. Dei må ha gode kommunikasjonsevner, solid gjennomføringskraft og gode samarbeidsevner. Vi har eit aktivt og travelt miljø, og ein må kunne handtere korte tidsfristar. Kompetanse og interesse for analyse, avansert bruk av excel, og moderne rapporteringsverktøy er gjerne dine fremste eigenskapar, men samtidig bør du ha initiativ og god evne til samarbeid og lagspel.

Vi tilbyr

Vi tilbyr ei interressant og utfordrande stilling, og for dei rette kandidatane vil det her vera stort rom for fagleg og personleg utvikling
Vi har eit triveleg arbeidsmiljø og fleksibel arbeidstid
Løn etter avtale
Konkurransedyktig pensjonsordning, yrkesskadeforsikring, gruppelivsforsikring og tenestereiseforsikring
Ein må pårekne noko reiseaktivitet i samband med jobben.
Stillingane er fast og i 100%

Om arbeidsgiveren

Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

For å bli betre kjend med oss, kan du sjå www.helse-fonna.no. Følg oss også gjerne på Facebook.

Sektor: Offentlig
Antall stillinger: 2
Sted: Karmsundgata 120, 5528 Haugesund
Bransje: Helse og omsorg
Stillingsfunksjon: Økonomi og regnskap / Controller,; Økonomi og regnskap / Økonomistyring og budsjettering