Rådgjevar

Ålesund kommunale eigedom KF har ledig stilling som rådgjevar/konsulent, med næringseigedomar som hovudarbeidsfelt. Stillinga høyrer til i avdeling Utleige og stønad som mellom anna har ansvar for inn-/utleie av eigedomar, her under bustadar og næringseigedom. Stillinga skal støtte opp om ei aktiv arealforvaltning og høg arealeffektivitet. 

Kontorplassen er for tida i Ålesund sentrum, men stillinga vil ha heile kommunen som arbeidsområde. 

Arbeidsoppgåver

• Handtering av inn-/utleige av næringseigedom.
• Innleige av eksternt areal. Til dette høyrer også marknadssøk/-vurdering, behovsanalyser, kravspesifikasjon i samråd  med- og med innspel frå brukargrupper, forhandlingar med utleiger m.m.
• Utleige av næringsareal, her under dialog med interessentar, utarbeide marknadsmateriell, visningar, forhandlingar, avtaleinngåing m.m. 
• Oppfølgingsansvar for næringskontraktar, dvs både at vilkåra i avtalar vert oppfylt samt handtere endringar der dette er aktuelt.
• Kunne gjere overordna verdivurderingar og ha god marknadskunnskap.
• Gjere relevante økonomiske analyser og elles vurderingar knytt til alternativsbetraktningar om inn/utleige eller leige kontra eige.  
• Utvikling av kommunale eigedomar i tråd med føretaket sin eigedomsstrategi- og behov knytt til brukarane. 
• Rådgjeving og samhandling med interne og eksterne kundar/aktørar.  Dette omfattar andre avdelingar i føretaket og kommunen i spørsmål knytt til ditt fagfelt.  
• Utarbeiding og oppdatering av naudsynte malar og rutinar knytt til oppgåvene for stillinga. Det vil også bli oppgåver knytt til deltaking/utvikling av føretaket sitt styringssystem.
• Andre oppgåver kan bli aktuelle, til dømes utleige av bustadar samt førebuing for- og gjennomføring av kjøp og sal av ulike typar eigedom.
  

Kvalifikasjonar

• Vi søker primært etter nokon med relevant høgare utdanning på mastergradsnivå, men personar med bachelorgrad vil også bli vurdert.
• Du har helst erfaring og kompetanse frå merkantil/forretningsverksemd, mogleg i kombinasjon med aktuell teknisk- eller byggfagleg verksemd. Du har gjerne bakgrunn som eigedomsmeglar, næringsmeglar eller tilsvarande relevant stilling innan forretnings- eller rådgjevande verksemd.
• Sjølv om erfaring frå bransjen er ønskeleg, vil også nyutdanna kunne bli vurdert til stillinga. 
  Kunnskap om innkjøp i offentleg sektor er ønskeleg, men ikkje eit krav.
• God kunnskap om- og interesse for digitale verktøy vil telle positivt.
• Har førarkort klasse B.

Personlege eigenskapar

Vi ønsker ein person som:   

• Har høg kapasitet, engasjement for oppgåvene og kundane, og omtanke for sine kollegaer.
• Resultatorientert, effektiv og nøyaktig.
• Taklar stress og eit høgt tempo i periodar.
• Har gode analytiske evner.
• Ein kremmerånd.

Vi vektlegg: 

• Evne til samarbeid,
• Å vere løysningsorientert og serviceinnstilt.  
• Du er super åleine, men best i team!
• Evne til å kommunisere svært godt både norsk skriftleg og munnleg.

Vi tilbyr

• Vilkår - Vi tilbyr løn etter avtale med kommunale tilsettingsvilkår, pensjonsordning i KLP, IA-bedrift, fleksibel arbeidstidsordning.
• Moglegheiter - ÅKE er det største eigedomsselskapet mellom Bergen og Trondheim. Hos oss får du muligheit til å utvikle din kompetanse, og med varierte og utfordrande arbeidsoppgåver i eit tverrfagleg og godt arbeidsmiljø.
• Ein jobb med meining - Vårt utgangspunkt er at det vi utfører skal ha stor fokus på samfunnsnytte, dvs både for det kommunale tenestetilbodet og dermed for innbyggarar. Dei samfunnsnyttige oppgåvene, utfordringane og resultata motiverer- og gjer tilsette stolte av å jobbe her.
  
• Interessante og utfordrande arbeidsoppgåver – Du vil bli ein del av eit hyggeleg, tverrfagleg og innovativt miljø med eit høgt fagleg nivå. Stillinga gjev deg gode moglegheiter til å forme din eigen kvardag.
• Dersom du ønskjer å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentliggjort sjølv om du har bedd om fritak, jf. Offentleglova § 25. Du blir varsla dersom ønske om reservasjon ikkje blir godtatt.