Sommarjobb for IT-studentar
- Arbeidsgiver
- Digitaliseringsdirektoratet
- Stillingstittel
- Konsulent
- Frist
- 01.03.2021
- Ansettelsesform
- Sommer/Sesong
Om DigdirCamp 2021
Kvart år inviterer vi IT-studentar til å vere med på DigdirCamp i Leikanger i Sogn. Vi gir sommarjobb til inntil åtte studentar, frå midten av juni til midten av august. På DigdirCamp får du bruke kunnskapen og ferdigheitene dine til å jobbe med konkrete ikt-oppgåver ved sida av erfarne utviklarar i våre fagmiljø.
Digitaliseringsdirektoratet skal vere regjeringas fremste verktøy for raskare og samordna digitalisering av offentleg sektor. Vi har eit spesielt ansvar for utvikling, drift og oppfølging av nasjonale felleskomponentar og funksjonar, som mellom anna ID-porten og MinID, og koordinering og utvikling av interne og eksterne IT-system i dei andre fagavdelingane i direktoratet. Døme er nettside som Digdir.no. Direktoratet er også tilsyn for universell utforming av ikt.
Vi har ledig sommarjobb for inntil åtte IT-studentar frå midten av juni til midten av august 2021.
Aktuelle arbeidsoppgåver
Du får høve til å arbeide tett saman med utviklingsmiljøet i Digitaliseringsdirektoratet. Oppgåvene vil vere å utvikle og tilpasse digitale tenester for offentleg sektor.
De jobbar gjerne i to grupper for å løyse konkrete oppgåver. Gjennom sommaren presenterer studentane korleis dei jobbar med oppgåvene og kva for løysingar dei foreslår.
Video: https://youtu.be/2YiVLT1xF6Q (https://youtu.be/2YiVLT1xF6Q)
Kvalifikasjonar
Vi søkjer primært etter studentar innan informatikk/systemutvikling. Pass på at du i søknaden skriv kva utdanning du tek og kor langt du er komen i utdanninga. Arbeidsspråket er norsk.
Hos oss får du
- løn i lønstrinn 40 som svarer til ei årsløn på kr 387 900
- eit spennande arbeidsfellesskap saman med våre erfarne medarbeidarar og med andre IT-studentar
gode muligheiter for kortreiste friluftseventyr i kvardagen. Sogn er kjent for sin gode laussnø og fantastiske sykkelstiar, og tilbyr eit inkluderande og kompetent friluftsmiljø
Vi treng også informasjon om du treng hybel, og om du kan følge oppsett arbeidsperiode hos oss. Legg ved karakterutskrift som dokumentasjon av utdanning, karakterutskrift kan lastast ned frå Vitnemålsportalen.
Vil du vite meir?
Synes du dette er interessant og ønsker meir informasjon, kontakt gjerne
Systemutviklar Hallvard Bjørdalsbakke
E-post: hallvard.bjordalsbakke@digdir.no
Telefon: 417 49 924
Seksjonssjef Jørn Stenehjem
E-post: jorn.stenehjem@digdir.no
Telfon: 911 46 279
Om arbeidsgiveren
Digitaliseringsdirektoratet er underlagt Kommunal- og moderniseringsdepartementet. Direktoratet har om lag 330 tilsette fordelt på våre kontor i Brønnøysund, Leikanger og Oslo. Vi har fire fagavdelingar, to stabs- og støtteavdelingar og eit tilsyn for universell utforming av ikt som har ei særskilt uavhengig rolle. Våre verdiar er påliteleg, inkluderande og uredd, og vår visjon er saman for ein enklere digital kvardag.
Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss.
- Sektor
- Offentlig
- Antall stillinger
- 8
- Sted
- Skrivarvegen 2, 6863 Leikanger
- Bransje
- Offentlig administrasjon
- Stillingsfunksjon
- IT utvikling,
- IT utvikling / Utvikler (generell),
- IT utvikling / QA/Testing
