Rådgjevar/strategisk rådgjevar e-helse/IKT
- Arbeidsgiver
- Helse Bergen
- Stillingstittel
- Rådgjevar/strategisk rådgjevar e-helse/IKT
- Frist
- 07.02.2021
- Ansettelsesform
- Fast
Har du erfaring som strategisk rådgjevar innan IKT eller som verksemdsarkitekt og ønskjer å bidra i utviklinga av ein av vestlandets største og mest komplekse verksemder? Vil du jobbe med utvikling og forbetring av sjukehuset med utgangspunkt i moglegheitene som ny teknologi gjer?
Haukeland universitetssjukehus nyttar IKT i mykje av si verksemd og vil i åra som kjem ta i bruk fleire nye løysingar og ny teknologi. Omfanget av teknologi spenner seg frå dei enklaste digitale løysingane til komplekse kliniske system, ERP-system, teknologi for smarte bygg, digital grunnmur, og bruk av stordata og kunstig intelligens i forsking og diagnostisering. Sjukehuset er ein kompleks organisasjon, og det er mange løysingar som skal takast i bruk i parallell. For at Haukeland universitetssjukehus skal bruke teknologi til å utvikle sjukehuset og spesialisthelsetenesta - til beste for pasientar og medarbeidarar - treng vi meir kapasitet til oppfølging av heilskapen og samanhengane på tvers av teknologiinitiativa sett opp mot strategien på sjukehuset, sjukehusets mange prosessar, tenester og IKT-landskap. I Helse Vest har vi stor grad av felles IKT-løysingar og infrastruktur på tvers av sjukehusa i regionen, der Helse Vest IKT har ansvar for drift, forvalting og felles infrastruktur. Arbeid med prosjekt og arkitektur skjer i fellesskap i regionen.
Seksjon for e-helse har ledig stilling som rådgjevar/strategisk rådgjevar e-helse/IKT
Seksjon for e-helse har mellom anna ansvar for innføring av nye løysingar i sjukehuset. Vår oppgåve er å leggje til rette for at klinikken kan realisere nytten av ny teknologi som blir tatt i bruk. Seksjonen er bindeledd mellom klinikkar i sjukehuset og IKT-personell som utarbeider IKT-løysingane. Våre medarbeidarar har fokus på kvalitetsforbetring, tryggleik og effektivitet gjennom digitalisering, og arbeider tett saman med leiinga og dei tilsette i sjukehuset.
Som spesialrådgjevar i Seksjon for e-helse får du ein unik moglegheit til å bidra i utviklinga av sjukehuset og jobbe tett med digitalisering av helsetenesta, og du vil bli del av teamet som har ansvar for den strategiske arbeidet med IKT-utviklinga i sjukehuset.
Arbeidsoppgåver
- Bidra til vidareutvikling og forvaltning av vegkart for teknologi
- Systematisering og strukturering av samanhengar mellom teknologiinitiativa
- Saksbehandling og utgreiingsarbeid i avgjerdsprosessar
- Delta i/rådgje ulike teknologiprosjekt
- Rådgje leiinga, prosjekt- og programleiarar og systemeigarar/systemansvarlege
- Samarbeide tett med porteføljeansvarlege og systemansvarlege
- Tett dialog med Helse Vest IKT og dei regionale arkitekturansvarlege
Kvalifikasjonar
- Du har erfaring frå arbeid i grenseflata mellom prosess, teknologi og strategi
- Du har erfaring frå større teknologiprosjekt og analysearbeid, og rådgjeving til toppleiinga i komplekse organisasjonar
- Du er erfaren brukar av arkitekturverktøy og praktisk bruk av arkitekturmetodikk
- Kunnskap om helsesektoren er ein fordel
- Du må ha gode kommunikasjonsferdigheiter, skriftleg og munnleg
- Høgare utdanning innan IKT, øk/adm, teknologi/informatikk, prosjektleiing
- Sertifisering i TOGAF eller liknande er ein fordel
Personlege eigenskapar
- Du brenn for å finne løysing på komplekse problemstillingar både åleine og i samarbeid med andre
- Du er god på å byggje relasjonar og evner å samarbeide og kommunisere godt
- Du sett deg raskt inn i komplekse problemstillingar og løyser dei på ein gjennomtenkt og analytisk måte
- Du er flink til å gjennomføre, kan planleggje godt og vere strukturert - òg når det er høgt tempo
- Du trivst med å halde progresjon i arbeidet, men er tolmodig og uthaldande i kompliserte prosessar
Vi tilbyr
- Moglegheit til å bidra i utviklinga av Haukeland universitetssjukehus
- Utfordrande oppgåver og fagleg utvikling
- Tverrfagleg arbeidsmiljø med dyktige kollegaer
- Gode pensjons- og forsikringsvilkår
- Lønn etter avtale
- Ein arbeidsplass som er ein inkluderande arbeidsliv (IA)-bedrift
Om arbeidsgiveren
Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor
- Offentlig
- Sted
- Møllendalsbakken 7, 5009 Bergen
- Bransje
- Helse og omsorg
- Stillingsfunksjon
- Forretningsutvikling og strategi,
- Helsepersonell,
- Rådgivning
Nøkkelord
Rådgjevar/strategisk, rådgjevar, e-helse/IKT
Spørsmål om stillingen
- Kontaktperson
- Hege Rob Moi
- Stillingstittel
- Seksjonsleiar e-helse
- Telefon
- 47 65 69 25
- Kontaktperson
- Stig Atle Gjøen
- Stillingstittel
- Gruppeleiar
- Telefon
- 90 04 89 47
Møllendalsbakken 7, 5009 Bergen