Seniorkonsulent

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY (https://www.youtube.com/watch?v=0E0cOZpZQXY)

Ved Det medisinske fakultet, fakultetsadministrasjonen, er det ledig stilling som seniorkonsulent (100 %) med tilsetjing så snart som mogleg. Stillinga har hovudansvaret for å koordinere og støtte arbeidet med internasjonalisering i studieprogramma ved fakultetet. Til stillinga ligg òg rolla som sakshandsamar og rettleiar for studentar som skal gjennomføre utveksling. 

• koordinering av arbeidet med internasjonalisering i utdanningane
• støtte til fagmiljø og programutval i spørsmål om internasjonalisering
• utvikling og vedlikehald av samarbeidsavtalar
• rettleiing og sakshandsaming av søknadar om utveksling
• oppfølging av studentar under utvekslingsopphald
• rekrutterings- og informasjonsarbeid

Det kan verte aktuelt å leggje andre oppgåver til stillinga.

• Søkjar må ha mastergrad. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
• Relevant praksis er eit krav
• Det er ein føremon med røynsle frå arbeid med internasjonalisering
• Evne til å uttrykke seg godt skriftleg og munnleg, både på norsk og engelsk
• God digital kompetanse

Vi søkjer ein person som

• har gode kommunikasjons- og samarbeidseigenskapar
• er serviceinnstilt og positiv
• har evne til å tileigne seg nye ferdigheiter
• kjenner UH-sektoren godt

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

• Spanande og utviklande arbeidsoppgåver i eit sterkt fagmiljø
• Stilling som seniorkonsulent (kode 1363) i lønssteg 55-61 i det statlege lønsregulativet. Dette utgjer for tida brutto årslønn kr. 490 600-545 300. For særleg kvalifiserte søkjarar kan høgare løn vurderast.
• Medlemsskap i Statens pensjonskasse
• Gode velferdsordningar (https://www.uib.no/foransatte/17399/velferd)

Utfyllande opplysningar om stillinga kan ein få ved å vende seg til leiar for studieseksjonen, Ørjan Leren, telefon 55 58 64 85.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her (https://www.uib.no/hr/74251/ansettelsesprosessen).