Vi søkjer

Vegseksjonen har ansvar for veglova, finansiering, planlegging, bygging, drift og vedlikehald av riksvegane våre. Seksjonen har vidare det overordna ansvaret for etatsstyring av Statens vegvesen og Vegtilsynet. Vegseksjonen har og ansvar for riksvegferjene og utbyggingsavtalane med Nye Veier AS.

Vegseksjonen består no av 15 medarbeidarar i tillegg til seksjonsleiar.

Fagdirektøren vil ha ansvar for å leie det juridiske arbeidet innanfor ansvarsområda til vegseksjonen. Fagansvaret inneber elles å:

• rettleie og gi fagleg støtte til kollegaer
• gi råd til avdelings- og departementsleiinga på fagområdet
• ta ansvar for høg fagleg kvalitet på det juridiske arbeidet og leveransane frå seksjonen
• drive seksjonen sitt juridiske arbeid framover, tenkje nytt og jobbe for å utvikle eit framtidsrette regelverk

Vi søkjer deg som har:

• master i rettsvitskap eller tilsvarande
• minst 10 års relevant arbeidserfaring med utgreiingsarbeid og regelverksutvikling frå offentleg verksemd
• erfaring frå fagleg leiing og prosjektleiing
• interesse for samfunnsspørsmål, særskild innanfor ansvarsområda til seksjonen
• Kjennskap til veglova og regulering innafor seksjonens ansvarsområde vil bli vektlagd

Du kan vise til resultat frå sjølvstendig saksansvar og fagleg rettleiingsansvar for eit større saksfelt. Du har gjennomføringsevne og høg arbeidskapasitet, og har evne til å arbeide med mange ulike saker til ein kvar tid. Du er analytisk  og grundig og tek ansvar for at arbeidet held høg kvalitet. Du trivst med fagleg leiing og rettleiing, og liker å støtte og samarbeide med kollegaer og eksterne samarbeidspartnarar. Du må kunne fremme departementet sine synspunkt nasjonalt og internasjonalt, og argumentere godt for faglege vurderingar. Gode språkkunnskapar er ein føresetnad, både skriftleg og munnleg, på norsk og engelsk.

• Arbeid med dagsaktuelle sakjer
• Utfordrande og interessante oppgåver
• Hyggeleg arbeidsmiljø med dyktige og engasjerte kollegaer
• Moglegheit for trening i arbeidstida
• Medlemsskap i Statens pensjonskasse

Stillinga blir lønna som fagdirektør i lønnsspennet frå kr. 670 000 - 740 000,- avhengig av kvalifikasjonar.

Du kan få nærare informasjon om stillinga ved å kontakte avdelingsdirektør Hans Einar Nerhus på tlf. 22 24 81 56. 

Samferdselsdepartementet deltek i regjeringa si inkluderingsdugnad. Vi vil gjerne ha søknader frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Vi gjer oppmerksam på at opplysningar om nedsett funksjonsevne eller hol i CV-en kan bli brukt til statistikkformål.

I samsvar med offentleglova §25 kan det gjerast unntak for opplysningar om søkjar frå offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjer bli kontakta før offentleggjering og få tilbod om å trekkje søknaden.