VI SØKER ETTER RÅDGIVAR

Stillinga som rådgivar vil innebere å vere administrativ "støttespelar" for kontrollutvala i medlemskommunane. Det betyr mellom anna å sørge for at saker som skal handsamast i kontrollutvala, er forsvarleg utgreidd og at utvala sine vedtak blir iverksett.

Stillinga omfattar også kontakt med medlemskommunane sin administrasjon når det gjeld oppfølging av saker frå kontrollutvala til kommunestyra.

Nær kontakt og samarbeid med kommunerevisjonen blir og ein viktig del av arbeidet i sekretariatet. For stillinga er det naudsynt med erfaring frå kommunal sektor, rolleforståing og god kunnskap om politisk styring.

Evne til å arbeide sjølvstendig, analytisk og systematisk er ein føresetnad for å lukkast med desse arbeidsoppgåvene. Då får ein og stor friheit og moglegheit til å styre eigen kvardag.

Stillinga er nær knytt til møte i kontrollutvala og inneber difor reiseverksemd og fleksibel arbeidstid. Ein må disponere eigen bil og får godtgjersle etter staten sine satsar.

Vi ser etter ein kandidat med minimum bachelor utdanning innanfor statsvitenskap, jus eller revisjon/økonomi. Vidare er det naudsynt med minimum 3 års arbeidserfaring frå kommunal sektor.

Vi tilbyr god fagleg utvikling/kurs, tenestepensjon i KLP, løn etter avtale og fleksibel arbeidstid.

Den enkelte kommune si målform vil bli nytta.

Dersom dette er interessant ber vi om at du kontaktar dagleg leiar Bjørn Tømmerdal for meir informasjon. Tilsetting etter nærare avtale.