Vil du bidra til eit politisk skifte etter valet?

SV har ledig eit engasjement som valkampmedarbeidar i 100% stilling, for perioden 1. januar til 31. desember 2021.

Arbeidsoppgåver

Alle som er tilsett i SV vil vere involvert i valkampen, men som valkampmedarbeidar vil du få eit sjølvstendig og særleg ansvar for utvikling og framdrift i ulike delar av denne. Vi kan særleg trekke fram:

• Ansvar for den nasjonale ringesentralen i Oslo.
• Innhaldsansvar for løpesedler og andre trykksaker til bruk i valkampen.
• Ansvar for gjennomføring av ulike kampanjer gjennom valkampen .

Valkampmedarbeidaren vil vil samarbeide tett med SV si valkampleiing, og delta i fleire ulike arbeidsgrupper.

Om deg

• Du er strukturert og sjølvstendig, og har svært gode evner til samarbeid.
• Du har organisasjonsforståing og erfaring frå kampajearbeid.
• Du har gode formuleringsevner og er språksikker, både i nynorsk og på bokmål.

Om stillinga

Føremålet med stillinga som er å fremje partiets politiske syn. Den som blir tilsett i stillinga må kunne tilslutte seg hovudtrekka i SV sitt politiske prosjekt og våre politiske program.

Stillinga blir løna etter Landsoverenskomsten mellom Arbeiderbevegelsens Arbeidsgiverforening  (AAF) og Handel og Kontor (HK) samt SV sin lokale lønspolitikk. Stillinga er innplassert i stillingskategori organisasjonssekretær, som tilsvarar eit lønsspenn frå lønssteg 34-51, etter kompetanse og erfaring. (Ft kr 415.218-576.734 i årsløn). 

Vi kan vi tilby eit kreativt, spennande og tidvis hektisk arbeidsmiljø, med engasjerte og dyktige medarbeiderarar. Vi har fleksibel arbeidstid, men du må pårekne noko kvelds- og helgearbeid.

Er du interessert i jobben? Registrer søknaden din på søknadsportalen på finn.no, og last opp CV og søknadsbrev innan 21. november.

Om arbeidsplassen

SV har 12 tilsette på partikontoret, og i tillegg er det tilsett fylkessekretærar i alle fylker. Arbeidsstad for valkampmedarbeidaren er i utgangspunktet SV sitt partikontor på Tøyen i Oslo, men dette kan diskuterast.

Det er eit personalpolitisk mål å oppnå ei balansert kjønnssamansetning, og å rekruttere medarbeidarar med minoritetsbakgrunn.