Er du vår nye driftsteknikar?

Vi søker etter

driftstekniker i 100 % fast stilling ved bygg- og eigedomsavdelinga, Borgund vidaregåande skule.

Du får jobbe med

oppgåver knytt til drift og vedlikehald av bygg, tekniske anlegg, uteareal og serviceoppgåver overfor brukarane av bygga. Dette betyr ansvar for oppfølging av internkontroll og periodiske driftsoppgåver, avvikshandtering, reparasjonar, mindre vedlikehald og utskiftingar, oppfølging av serviceavtaler og rapporter frå tilsynsmyndigheter. Det blir brukt FDV-system til planlegging og organisering av arbeida.

Vi søker deg som har

• fagbrev i byggdrift, elektro, VVS, bygningsfag eller anna relevant fagutdanning
• relevant praksis innan drift og vedlikehald av bygningar og tekniske anlegg
• brei og god teknisk interesse, kompetanse og forståing
• god kunnskap om bruk av IKT som arbeidsverktøy
• erfaring med SD-anlegg og byggautomasjon
• førarkort klasse B

I tillegg blir det lagt stor vekt på personlege eigenskapar som:

• like å ta ansvar og jobbe sjølvstendig
• serviceinnstilt og løysningsorientert
• positiv, engasjert og samarbeidsvillig
• fleksibel og villig til å stå på litt ekstra ved behov
• snakke og skrive godt norsk

Vi tilbyr

• ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• god tilgang til faglege nettverk og fagleg utvikling
• offentleg pensjonsordning, gruppelivs- og ulykkesforsikring
• lønn etter tariff

Om arbeidsplassen

Stillinga inngår i eit team som i hovudsak har ansvar for Borgund, Spjelkavik, Sykkylven og Stranda vidaregåande skolar. Arbeidssted vil primært vere ved Borgund vgs, men driftsteknikaren vil også bidra i drifta av dei andre bygga i teamet. Innan kvart team er det ønskelig at driftsteknikarane har eit eller fleire fagområde der dei kan bidra med faglig støtte til resten av teamet.

Bygg- og eigedomsavdelinga i Møre og Romsdal fylkeskommune har ansvar for forvaltning, drift, vedlikehald og utvikling av fylkeskommunen si eigedomsmasse. Eigedomsmassen består i hovudsak av vidaregåande skolar med eit samla bruttoareal på om lag 215.000 m2.