Lønnsmedarbeidar
Direktoratet for forvaltning og økonomistyring
- Frist 19.10.2020
- Ansettelsesform Trainee
Vil du utvikla kompetansen din innan lønn i eit uformelt og fagleg ambisiøst miljø?
Om stillinga
Vil du utvikla kompetansen din innan lønn i eit uformelt og fagleg ambisiøst miljø? Vi treng å styrkje bemanninga innanfor lønnstenestene og søkjer medarbeidar som vil arbeida innanfor lønnsområdet, og har interesse for ny teknologi.
Traineeprogrammet er ein del av staten sin satsing på å inkludere personar med høgare utdanning og som har nedsatt funksjonsevne eller hol i CV-en. Programmet skal også sørge for nye ressursar og styrke mangfoldet i statlege verksemder. Som ein del av traineeprogrammet vil den som vert tilsett delta i eit obligatorisk program for medarbeidarutvikling, og du vil ha både ein mentor og ein fadder hjå oss. Meir informasjon om programmet og kven som kan søkje finn du her: traineeprogrammet i staten (https://arbeidsgiver.difi.no/strategisk-hr-og-ledelse/inkluderingsdugnaden/traineeprogrammet-i-staten).
Direktoratet for forvaltning og økonomistyring (DFØ) i Stavanger veks. I våre lyse og moderne lokale i Stavanger sentrum arbeider no over 200 medarbeidarar. Lønnsdivisjonen har ansvar for å levere lønnstenester til andre statlege verksemder ved bruk av mellom anna SAP-HR. I dag nyttar vel 87 prosent av alle statlege verksemder denne løysinga, og kvart år leverer vi lønnstenester til over 200 000 lønns- og honorarmottakarar. Frå og med dette året vil vi òg tilby systemløysingar innanfor HR til statlege verksemder.
Aktuelle arbeidsoppgåver
- definerte fag- og systemoppgåver innanfor SAP-HR
- fagleg brukarstøtte og rettleiing
- deltaking i faggrupper, prosjekt og utviklingsoppgåver
- presentasjonar og opplæring internt og for kundar
Kvalifikasjonar
Du må ha:
- relevant utdanning frå universitet/høgskole på minimum bachelornivå.
- god munnleg og skriftleg framstillingsevne på norsk
Vi vil gjerne at du også har:
- relevant fagleg erfaring, gjerne innanfor fagområdet offentleg lønn / rekneskap
- god kjennskap til lønnssystem, helst SAP
- erfaring frå kunde- og serviceorientert arbeid
- IT-interesse og god teknologisk forståing
Personlege eigenskapar
Vi ønskjer oss ein person med godt humør og nytt pågangsmot, som ser at det hos oss er gode høve til å lære og utvikle seg over tid. Du må ha evne til å kombinere høg fagleg standard og presisjon med utprega serviceinnstilling og kundefokus. Vidare må du ta ansvar, ha høg fagleg integritet og ha vilje til endring.
Du må trivast i eit uformelt miljø der kunnskaps- og kompetansedeling er ein føresetnad for å lukkast. Gode samarbeids- og kommunikasjonsevner krevst i stillinga.
Vi kan tilby
Som medarbeidar i lønnsdivisjonen i DFØ vil du arbeide i ein spanande divisjon i vekst. Vi tilbyr fleksibel arbeidstid, gode sosiale ordningar, høve til vidareutdanning og ei god pensjonsordning gjennom Statens pensjonskasse. Kontoret har dessutan tradisjon for å gjennomføre ei rekkje sosiale aktivitetar som bidreg til eit godt og stabilt arbeidsmiljø.
Stillinga er eit 2-årig engasjement i inntil 100% stillingsandel. Minimumskravet er 50% plassert som førstekonsulent/rådgjevar med lønnsplassering mellom 442 300 og 464 000 kroner per år for førstekonsulent og mellom 464 000 og 576 000 kroner per år for rådgjevar, avhengig av utdanning og erfaring. Frå lønna blir det trekt to prosent innskot i Statens pensjonskasse. Ved tilsetjing er det seks månaders prøvetid.
Den som får tilbod om stillinga må leggje fram utvida politiattest.
I DFØ trur vi at mangfald gjev oss utvida perspektiv, og at medarbeidarar med ulik livserfaring og, fagkombinasjonar vil gjera oss i stand til å finne enda fleire gode løysinger på oppdraga våre. Lokala våre er universelt utforma, og vi legg til rette for personer med nedsatt funksjonsevne.
Mangfald i DFØ
I DFØ trur vi at mangfald gir oss fleire bein å stå på, breiare perspektiv og dermed evne til å handtere utfordringar på ein betre måte. Vi er sikre på at medarbeidarar med ulik livserfaring og ulike fagkombinasjonar vil gjere oss i stand til å løyse oppdraga våre på endå fleire gode måtar. Vi oppfordrar derfor alle som er kvalifiserte, til å søkje, uavhengig av alder, kjønn, funksjonsevne eller etnisk bakgrunn. Du er velkommen til å søkje sjølv om du ikkje kan vise til ein samanhengande yrkeskarriere. Lokala våre er universelt utforma, og vi legg forholda til rette for personar med nedsett funksjonsevne.
I JobbNorge, der du søkjer på denne stillinga, oppfordrar vi deg til å krysse av for det dersom du har ei funksjonsnedsetjing, hòl i CV-en eller innvandrarbakgrunn. Avkryssingane dannar grunnlag for anonymisert statistikk som alle statlege verksemder rapporterer på i årsrapportane sine.
Vi vil kalle inn minst éin kvalifisert søkjar frå kvar av desse kategoriane til intervju. For at søkjarane skal kunne bli positivt særbehandla på denne måten, må dei oppfylle visse krav.(https://arbeidsgiver.difi.no/positivsaerbehandling (https://arbeidsgiver.difi.no/positivsaerbehandling))
Spørsmål om stillinga?
Vil du ha meir informasjon om stillinga, kan du gjerne ringe avdelingsdirektør Kurt Harald Aase på telefon 909 21 315.
Andre opplysningar
Alle som søkjer stillinga, må gjere det elektronisk via rekrutteringsportalen JobbNorge. Du må laste opp vitnemål (karakterutskrift dersom du er under utdanning), ei eventuell NOKUT-godkjenning for utdanning frå utlandet og attestar for at søknaden din skal bli vurdert. Hugs at søknaden berre blir vurdert på grunnlag av informasjonen som ligg føre når søknadsfristen går ut. Du må derfor sørgje for at søknaden din tydeleg viser korleis ferdigheitene og erfaringane dine oppfyller kriteria som er beskrivne ovanfor.
Etter at søknadsfristen er gått ut, vil det bli utarbeidd ei offentleg søkjarliste. Søkjarar som ber om konfidensialitet, må grunngi dette spesielt i søknaden. Vi gjer merksam på at opplysningar kan bli offentleggjorde sjølv om du har bedt om å ikkje bli oppført på søkjarlista. I så fall vil du bli kontakta.
Om arbeidsgiveren
Direktoratet for forvaltning og økonomistyring (DFØ) er statens fagorgan for økonomistyring, gode grunnlag for avgjersler i for statlege tiltak, organisering og leiing i staten, samt for innkjøp i offentleg sektor. Vi leverer lønns- og rekneskapstenester til rundt 90 prosent av statsforvaltinga og har også ansvaret for statsrekneskapen og statens konsernkontoordning.
Vi skal bidra til effektiv ressursbruk i staten gjennom kompetansetiltak, rådgiving, fellestenester og utvikling av metodar og verktøy. Vi har om lag 650 tilsette fordelt på Oslo, Stavanger, Trondheim og Harstad. Les meir på dfo.no.
- Sektor: Offentlig
- Sted: Nykirkebakken 2, Mediegården, 4013 Stavanger
- Bransje: IT, Offentlig administrasjon, Økonomi og regnskap
- Stillingsfunksjon: Kundeservice, Lønn
- FINN-kode 193403680
- Sist endret