Senioringeniør

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=JRdMR-PhbBQ&t=4s (https://www.youtube.com/watch?v=JRdMR-PhbBQ&t=4s)

Ved Det medisinske fakultet, Institutt for biomedisin, er det ledig ei fast stilling som senioringeniør (100 %).

• Stillinga omfattar høgt kvalifisert fagleg arbeid innan molekylærbiologi.
• Den som vert tilsett vil ha ansvar for dagleg laboratoriedrift for ei forskingsgruppe.
• Stillinga vil omfatte både lab-arbeid, administrasjon, forsking og rettleiing av studentar på lab.

Det kan verte aktuelt å leggje andre oppgåver til stillinga.

• søkjar må ha mastergrad innanfor biomedisin eller molekylærbiologi. Søkjar må og ha doktorgrad i same fagfelt for å kunne drive sjølvstendig forskingsaktivitet
• omfattande relevant praksis er eit krav
• søkjar må ha erfaring med rettleiing for studentar på mastergradsnivå
• søkjar må ha omfattande og dokumentert erfaring med standard molekylærbiologiske metodar
• vidare må søkjar kunne dokumentere spisskompetanse innan sentrale modellsystem , det vil seie molekylærbiologiske analyser og genetisk manipulering, som gruppa arbeidar med dagleg, minimum røynsle med a) sebrafisk, b) gjær (S. cerevisiae), og c) humane cellelinjer.
• gode språkkunnskapar og god evne til å kommunisere munnleg og skriftleg på norsk og engelsk er eit krav

Vi søkjer ein person som

• har gode kommunikasjons- og samarbeidsevner
• har digital kompetanse og evne til å tileigne seg nye ferdigheiter
• har erfaring frå organisering og med rolle som ansvarleg for laboratoriedrift

Ved vurdering av søkjaren vil vi leggje stor vekt på dei personlege eigenskapane som er naudsynte for stillinga.

• Spennande og utviklande arbeidsoppgåver i et sterkt fagmiljø
• Stilling som senioringeniør (kode 1181) i lønssteg 58-62 (for tida kr 513 600 - 552 800). For særs kvalifisert søkjar kan høgare løn vurderast .
• Medlemsskap i Statens pensjonskasse
• Gode velferdsordningar (https://www.uib.no/foransatte/17399/velferd)

Utfyllande opplysningar om stillinga kan ein få ved å vende seg til:

gruppeleiar, Thomas Arnesen, thomas.arnesen@uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her (https://www.uib.no/hr/74251/ansettelsesprosessen).