Vintervikarar i NRK Sport

Vi treng påfyll av journalistvikarar som har blikk for både den gode, varme sportshistoria og den oppsiktsvekkande nyheita . Du må ha gode evner til, og eit intenst sug etter, å formidle historiene til eit stadig meir kresent publikum som NRK gjerne vil skal velge oss. 

Denne vinteren ser ut til å bli ein av dei mest hektiske og spennande NRK-vintrane på mange år. Vi skal formidle fire verdsmeisterskap i tillegg til verdscupane. Når vi sender dei dyktige, faste medarbeidarane våre ut i verda for å servere ekstatiske øyeblikk til publikum, må vi erstatte dei faste for å styrke heimedeskane på alle plattformer.

Periode: 09.11.2020 - 29.03.2021. Nokre startar rundt nyttår, fordi vi treng ikkje full styrke gjennom heile perioden.

NRK Sport er størst på direktesendt sport i Norge. Vi formidlar ca.1300 timar sport direkte  året. Vi har daglege nyheits-og magasinsendingar og satsar meir og meir på?nett, mobil og sosiale medier.

NRK skal spegle mangfaldet i det norske samfunnet. Har du fleirkulturell kompetanse, eller nyttar nynorsk, er du difor ein interessant søkjar fordi NRK ønsker å styrke seg på desse områda.

Arbeidsoppgåver

Vi skal rekruttere journalistar som skal arbeide på ulike plattformer, og gjerne pendle mellom dei. 

Arbeidet vil gå føre seg på:

-Nettdesken, som hurtig formidlar siste nytt på nrk.no , men som i tillegg alltid har meir omfattande satsingar på gang.
-SoMe-desken, der den viktigaste oppgåva er å produsere og publisere innhald til Instagram og Facebook-kontoane, som blir ein stadig viktigare arena. 
-TV-og radio-desken, som produserer til ulike nyheitssendingar og til lengre sendeflater.

Vi treng òg journalistar med erfaring som redaksjonelle arbeidsleiarar for å kunne steppe inn som vaktsjef når det er behov for det.

Det er fint om søkjarane spesifiserer spisskompetansen sin.

Kvalifikasjonar

-Du må ha dokumentert journalistisk erfaring frå internett og/eller TV og radio. 
-Du må ha dokumentasjon på utdanning innan journalistikk eller informasjonfaget frå universitet eller høgskule.
-Du må kunne bruke og lett tilegne deg teknologien og verktøya som er i bruk i ei moderne mediebedrift. 

Personlege eigenskapar

-Du må vere lidenskapleg interessert i, og ha kunnskap om, sport.
-Du må vere ein god historieforteljar og ha eit godt?munnleg og skriftleg språk.
-Du må vise engasjement, energi og initiativ og vere i stand til å jobbe fram eigne saker.
-Du må ha ha nyheitsteft og kunne jobbe raskt under tidspress.
-Du må beherske NRK sine publiseringssystem.
-Du må vere innstilt på å jobbe på ulike plattformer.

Vi tilbyr

-Spennande og aktive månader i Norges største sportsredaksjon. 
-Eit pulserande og godt arbeidsmiljø med mykje kunnskap.
-Høgt tempo og godt humør.
-Grunnleggande innføring i bruk av dataverktøy

Løn blir fastsett etter gjeldande tariffavtalar.NRK er omfatta av Offentleglova sine paragrafar om rett til innsyn i søkjarlister. Søkjar må grunngje eventuelt ønske om unntak. Dersom unntak ikkje blir akseptert, vil søkjar bli varsla og kan eventuelt trekkje søknaden.