Rådgiver/seniorrådgiver
Digitaliseringsdirektoratet
- Frist 30.8.2020
- Ansettelsesform Fast
Vi søker nettansvarleg
Om stillinga
Vil du skape ein enklare digital kvardag saman med andre? Er du eit drivande og ambisiøst netthovud som brenn for å løyse brukaren sine behov og skape betre resultat? Vil du vinne prisen for Noregs beste offentlege nettstad innan to år? Då vil vi ha deg på laget!
Dei siste åra har vi tatt store steg for å forbetre nettløysingane våre - også under panseret. Vi leiter etter deg som klarer å sjå det store biletet og klarer å oppnå dei langsiktige måla saman med andre ved å levere kvar dag. Som nettansvarleg må du takle og balansere rollene som premissgivar og diplomat for å finne gode løysingar saman med andre - og skape god stemning.
Som nettansvarleg får du ei nøkkelrolle i arbeidet med Digitaliseringsdirektoratet sine digitale kommunikasjonskanalar, som digdir.no, Samarbeidsportalen, uu.difi.no, prosjektveiviseren.no og intranettet vårt. Som nettansvarleg blir du ein av tre teamleiarar i kommunikasjonsavdelinga. Du rapporterer til kommunikasjonsdirektør, som er ein del av toppleiinga.
Arbeidsoppgåver
Dine viktigaste arbeidsoppgåver vil vere å
- utvikle og realisere strategien og masterplanen for nettstadene du er ansvarleg for
- levere ein ny innhaldsstrategi for digdir.no
- kartlegge, prioritere og følge opp utviklingsbehov for alle nettstadene i tett samarbeid med nettredaktørane, fagavdelingane og utviklarane våre
- leie større og mindre nettprosjekt
- leie nettredaksjonen og støtte nettredaktørane og innhaldsansvarlege i organisasjonen
- levere gode analysar, gjennomføre brukarundersøkingar og følge opp tilbakemeldingar frå brukarane våre
- vere rådgivar for og samarbeide tett med kommunikasjonsdirektør
Kvalifikasjonar
Du må ha:
- relevant erfaring som nettansvarleg, nettredaktør eller digital rådgivar
- god teknisk forståing
- relevant høgare utdanning. Relevant erfaring kan kompensere for formell utdanning.
Vi ønsker at du:
- har utvikla og gjennomført strategiar for digitale kanalar og sosiale medium
- har erfaring som systemeigar og frå samarbeid med utviklarar
- har erfaring med å leie nettprosjekt og utviklingsprosessar
- brenn for universell utforming og klart språk
Inkluderande arbeidsliv og mangfald
Vi har tru på at mangfald er ein viktig byggestein i eit godt, spanande og utviklande arbeidsmiljø, og vi oppfordrar alle kvalifiserte kandidatar til å søke. Riktig kompetanse på rett stad er vår viktigaste prioritering når vi rekrutterer, og vi vil leggje til rette for at personar med nedsett funksjonsevne også kan jobbe hos oss. Vi jobbar med å realisere regjeringa sitt mål om at fem prosent av faste nytilsettingar skal vere personar med funksjonsnedsettingar og kandidatar som av ulike årsaker ikkje kan dokumentere ei samanhengande yrkeskarriere. Dersom du oppgir opplysningar om funksjonsnedsetting, innvandrarbakgrunn eller hòl i CVen i søknaden din, kan dette bli brukt anonymisert til statistikkformål.
Personlege eigenskapar
Du må
- vere ein trygg og drivande person som får ting til å skje
- ha god vurderingsevne og stor arbeidskapasitet, vere sjølvgåande og flink til å involvere
- tørre å utfordre og seie klart frå når det trengs, og følge opp avgjerder når dei er tatt
- leve opp til våre verdiar: påliteleg, inkluderande og uredd
Vi ønsker at du
- finn løysingar når det dukkar opp utfordringar, også når rammevilkåra ikkje er optimale
- blir motivert både av å jobbe med dei langsiktige måla og å løyse utfordringane i dagleg drift
- er ein relasjonsbyggar som får ting til å skje saman med andre og spiller andre gode
- har pedagogiske evner som gjer det enklare for andre å forstå val og prioriteringar
- har glimt i auget og vil andre vel
Vi tilbyr deg
- ei utfordrande stilling i ei framoverlent verksemd med dyktige og ambisiøse kollegaer og samarbeidspartnarar
- fast stilling som rådgivar eller seniorrådgivar i lønnsspennet kr 605 500 til 789 200. For spesielt kvalifiserte søkjarar kan vi vurdere høgare løn.
- ein familievenleg og fleksibel arbeidsplass med moglegheit for trening i arbeidstida
- medlemskap i Statens pensjonskasse, ei av Noregs beste pensjonsordningar med gode forsikringsordningar og moglegheit for gunstig bustadlån.
Stillinga er fast. Arbeidsstad er Brønnøysund, Leikanger eller Oslo.
Vil du vite meir?
Ta gjerne kontakt med:
Kommunikasjonsdirektør Onar Aanestad
Tlf.: 924 26 631
E-post: onar.aanestad@digdir.no
Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer stillinga. Har du utdanning frå utlandet, tilrår vi ei autorisert oversetjing av vitnemåla og godkjenning frå NOKUT (http://www.nokut.no).
Vi gjer merksam på at søkjarlister kan bli offentleggjort etter offentleglova § 25.
Om arbeidsgiveren
Digitaliseringsdirektoratet er underlagt Kommunal- og moderniseringsdepartementet. Direktoratet har om lag 380 tilsette fordelt på kontora våre i Brønnøysund, Leikanger og Oslo. Vi har fem fagavdelingar, to stabs- og støtteavdelingar og eit tilsyn for universell utforming av ikt som har ei særskilt uavhengig rolle.
Digitaliseringsdirektoratet er regjeringa sitt fremste verktøy for ei raskare og meir samordna digitalisering av offentleg sektor. Direktoratet skal bidra til enklare og meir tilgjengelege offentlege tenester for innbyggjarane, og auka verdiskaping for næringslivet. Vår visjon er "saman for en enklare digital kvardag"
- Sektor: Offentlig
- Sted: Grev Wedels plass 9, 0151 Oslo
- Bransje: Offentlig administrasjon
- Stillingsfunksjon: Rådgivning, Saksbehandler
- FINN-kode 187261729
- Sist endret