Instruktør

Vil du jobbe som instruktør ved Sivilforsvaret sitt utdannings- og kompetansesenter på Starum? Kompetansesenteret utdannar tenestepliktige i Sivilforsvaret og tilsette i DSB.  Om du er interessert i beredskapsarbeid og kompetansebygging er dette stillinga for deg. Vi har ledig to faste stillingar som instruktørar.

Arbeidsoppgåver

• ansvar for å planleggje, koordinere, gjennomføre og evaluere undervising innan eitt eller fleire av fagområda; brann/redning, førstehjelp, CBRNE og operativ leiing
• rettleie og følgje opp kursdeltakarar
• bidra til å vidareutvikle kurs og fagområda til Sivilforsvaret 
• bidra til intern kompetanseheving
• inngå i samfunnstryggleiks- og beredskapsarbeidet til DSB.

Kvalifikasjonar

Det er krav om:

• relevant bachelorgrad. Særleg relevant erfaring kan kompensere for kravet til bachelorgrad
• erfaring med undervising og rettleiing
• god kompetanse på bruk av digitale verktøy
• god munnleg og skriftleg framstillingsevne på norsk
• førarkort minimum klasse B, og klasse D1E (ev. vere villig til å ta førarkort klasse D1E i løpet av prøvetida)
• Den som blir tilsett må vere tryggingsklarert før vedkomande startar i jobben.
  

Det er ønskjeleg med:

• erfaring frå brann og redning, helse og/eller beredskapsarbeid
• erfaring med e-læring
• god munnleg og skriftleg framstillingsevne på engelsk.

Personlige eigenskapar

• gode pedagogiske evner
• metodisk og systematisk
• sjølvstendig, samtidig som du har gode samarbeidsevner
• praktiske evner
• fleksibel og tilpassingsdyktig

Vi tilbyr

• spanande og varierte arbeidsoppgåver innanfor eit viktig samfunnsområde
• høve til å påverke og vidareutvikle eige arbeidsfelt
• fleksibel arbeidstid og gode pensjons-, låne- og forsikringsordningar i Statens pensjonskasse
• fast stilling som rådgjevar (stillingskode 1434). Årsløn frå kr 488.000 til 563.700 (ltr. 55 - 63) iht. kvalifikasjonar. For særleg kvalifiserte søkjarar kan ein vurdere høgare lønn. Det blir trekt 2 % lovfesta innskot til Statens pensjonskasse.
  

Om kompetansesenteret og stillinga
Sivilforsvaret er underlagt DSB og er gjennom internasjonalt og nasjonalt lovverk gjeve oppdraget å verne befolkninga i fred, krise og krig. Sivilforsvaret er i omstilling for å tilpasse seg nye krav og forventingar frå Justis- og beredskapsdepartementet.

Sivilforsvaret sitt utdannings- og kompetansesenter er under utvikling og har eit nasjonalt utdanningsansvar og gjennomfører all kursverksemd for etaten sitt tenestepliktige personell og eigne tilsette. Vi har eit spanande og breitt fagmiljø og ein sentral posisjon i utviklinga av Sivilforsvaret.

Primæroppgåva til stillinga er utdanning av tenestepliktige og andre beredskapsaktørar både nasjonalt og internasjonalt. Utdanninga er primært basert på ei teoretisk innleiing med påfølgjande praktisk dugleikstrening.

Sivilforsvaret sitt utdannings- og kompetansesenter har 49 tilsette og er fordelt på einingar, som for tida er under omorganisering. Eining for utdanning har 15 medarbeidarar. Kompetansesenteret har årleg om lag 1200 kursdeltakarar og ein overnattingskapasitet på 130 senger, noko som krev ein god infrastruktur med forlegnings-, undervisings- og kontorfasilitetar. Kursa går over ulik tidsspenn, frå éi til tre veker, noko som krev ei 24/7-drift.

For meir informasjon om Sivilforsvaret, sjå www.sivilforsvaret.no.
Følg Sivilforsvaret sitt utdannings- og kompetansesenter på Facebook (https://www.facebook.com/starum)

Generelle opplysningar

• For å kunne bidra til oppgåvene til Sivilforsvaret er det viktig at du er fysisk og psykisk skikka til å jobbe i ein beredskapsorganisasjon, under dette delta på øvingar og innsatsar. 
• I DSB meiner vi at mangfald vil auke kvaliteten på leveransane gjennom å opne for større kreativitet og fleire perspektiv inn i arbeidet. Det vil gje større legitimitet og aksept, fleire ressursar å spele på når det gjeld dialog med befolkninga, og det vil skape eit meir spanande og allsidig arbeidsmiljø. Vi legg arbeidstilhøva til rette når det er behov for det. Verdigrunnlaget vårt er å vere tillitsskapande, kompetent og ein lagspelar, og du må kjenne deg igjen i dette.
  

For meir informasjon om DSB, sjå www.dsb.no