Utløpt

Pedagogisk leiar

Arbeidsgiver: Time Kommune
Stillingstittel: Pedagogisk leiar
Frist: 09.08.2020
Ansettelsesform: Vikariat

Kvernaland barnehage søker etter ein dyktig pedagogisk leiar i 100 % vikariat.

Kvernaland barnehage er ein barnehage som vart bygd i 2011. Me har 120 barn fordelt på mindre grupper i 4 avdelingar. Personale har delteke i oppbygginga og utforminga av barnehagen og det fysiske miljøet. Barnehagen har areal og utstyr til leik og varierte aktivitetar som fremjar rørsleglede, gjer allsidig rørsleerfaring, sanseerfaring og høve til å læra og meistra.

Me har implementert "Være sammen", og delteke i den nasjonale satsinga Inkluderande barnehagemiljø. Me har stort fokus på vaksenrolla og er opptekne av å støtta opp om ei god sosial utvikling hos det enkelte barnet. Me er autoritative vaksne. Barna sitt beste er handlingsregelel vår.

Me er på veg til å verta Marte Meo praktikar barnehage, og bruker elementa i Marte Meo aktivt inn i det pedagogiske arbeidet vårt.

Me er praksisbarnehage for Universitetet i Stavanger og er opptekne av å stadig vera oppdaterte og i utvikling.

Arbeidsoppgåver

- Gje barna ein trygg og god start på livet.

- Skapa trivsel og utvikling, både for barn og personalet.

- følga opp og utvikla tilsette i teamet

- ansvar for planlegging, dokumentasjon og vurdering.

- legga tilrette for eit godt samarbeid med føresette.

Kvalifikasjonar

- du er utdanna førskulelærar/barnehagelærar

Personlege eigenskapar

- du har godt humør, stort pågangsmot og kan vera med på å bidra til eit godt arbeidsmiljø

- du kan arbeida i team og er entusiastisk

- du ser på barn og foreldre med respekt, kunnskap og forståing

- du er fleksibel og har eit ønskje om å vidareutvikla barnehagen

- du har gode språkkunnskapar i norsk

- du er villig til å gje 'det lille ekstra'.

Me tilbyr

Ein utfordrande jobb med gode utviklingsmoglegheiter i eit godt arbeidsmiljø. Det er 12 andre pedagogiske leiarar som vil vera støtte for deg som leiar. Det er tett kontakt med leiinga som vil vera ei støtte. Konkurransedyktig lønn. Kommunale tilsettingsvilkår og pensjonsordning.

Om arbeidsgiveren

"Me skal gjera kvarandre gode" er leveregelen for oss som jobbar i Time kommune.

Me bruker innovasjon for å utvikla og forbetra tenestene i lag med brukarane. Time kommune skal vera ein trygg og framtidsretta kommune for innbyggarar, besøkande og næringsliv. Time kommune har ca. 18 900 innbyggarar og ligg midt på Jæren, med Bryne som regionssenter og haldeplass for Jærbanen.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.

Sektor: Offentlig
Sted: Holmebakken 45, 4355 Kvernaland
Bransje: Barn, skole og undervisning
Stillingsfunksjon: Barnehage / Pedagogisk leder