Testleiar / Testar

Vil du jobbe med meiningsfull og samfunnsnyttig testing, og bli vår nye testleiar/testar for Datavarehus og Rapportering? 

Ønskjer du å bli ein del av ein bransje som står ovanfor store teknologiske løft, med moglegheit for å forme IT-løysingar til eit framtidsretta helsevesen? Vi har behov for å styrke datavarehus-og rapporteringsteamet med ein engasjert testleiar/testar som vil spesialisere seg innan BI-området.

Det pågår ein digital transformasjon av helsevesenet og det er stort fokus på å nytte styringsinformasjon for å nå måla om god og oppdatert kunnskap i spesialisthelsetenesta på Vestlandet. Helse Vest har over fleire år bygd opp ein solid data-grunnmur for å kunne stille saman kjelder, og følgje befolkninga si helse og sjukdomsforhold over livsløpet som grunnlag for betre kunnskap. Dette har til dømes vore særs nyttig dei siste månadene for å raskt kunne rapportere og predikere antall innlagde og planlegge bemanning i sjukehusa knytt til Covid-19.

Seksjon for Styringsdata består av 19 engasjerte medarbeidarar med høg kompetanse innan Business Intelligence. Vi utviklar og forvaltar løysingar for styring og kvalitetsforbetring i sjukehusa i Helse Vest, og seksjonen skal sikre eit heilskapleg og påliteleg datagrunnlag for vidare analyse og konsistent informasjon til beslutningstakarar i sjukehusa.

Det vil verte gjennomført naudsynte kurs og opplæring ved tilsetjing, så nyutdanna med interesse for heile testprosessen oppmodast òg til å søke. Relevant praksis/erfaring kan kompensere for manglande formell utdanning.

Arbeidsstad: Bergen eller Stavanger
Kandidatar vert vurdert etter kvart som dei søkjer.          

Arbeidsoppgåver

Som testleiar/testar får du ansvar for å planlegge, gjennomføre og dokumentere test i tett samarbeid med brukarane og utviklarane. Du vil vere viktig for å redusere risiko og effektivisere leveransane ved at vi får avdekka feil/manglar tidlig i ein leveranse. Dette vert oppnådd ved at du bidrar med kvalitetssikring i alle fasar i prosessen.

Oppgåvene består mellom anna av

• deltaking i arbeidsgrupper samansett på tvers av ulike einingar i Helse Vest
• ansvar for heile testløpet - frå å utforme akseptansekriterier til produksjonssetting
• utarbeide testplanar, testkrav og testtilfelle
• følgje opp og bistå brukarane med gjennomføring av akseptansetest
• verifikasjonstest etter produksjonssetting

Det vil òg vere di oppgåve å nytte Helse Vest sin testmetodikk på ein hensiktsmessig måte innan BI området. 

Kvalifikasjonar

Du bør ha høgare utdanning - fortrinnsvis teknisk, samt 

interesse for

• styringsinformasjon 
• test og kvalitetssikring
• brukeroppleving

og kunnskap om

• testmetodikk, sertifisering tel positivt
• testleiing og testarbeid
• relevante testverktøy
• smidige metodar som Scrum og Kanban
• helsesektoren og BI området tel positivt

Det er eit krav at du beherskar norsk skriftleg og munnleg - fluent Norwegian.

Du

• er strukturert, systematisk og nøyaktig
• samarbeider og kommuniserer godt med både teknologar og klinikarar
• har gode relasjonelle eigenskapar og er serviceinnstilt
• klarer å handtere ei stor kontaktflate på tvers av fagområder
• har analytiske ferdigheter
• har evne til å motivere og følje opp
• er initiativrik og glad i utfordringar
• er målbevisst og er opptatt av kvalitet i leveransane
• er sjølvgåande, men likar å arbeide i team både som deltakar og som drivande kraft 

Vi tilbyr

• ein jobb i ein bransje som står ovanfor store teknologiske løft, med mogelegheit til å forme IT-løysingane til eit helsevesen for framtida
• eit nyskapande miljø med høgt tempo basert på smidige metodar
• spanande oppgåver innanfor både lokale, regionale og nasjonale prosjekt
• gode høve til fagleg utvikling blant dyktige og motiverte kollegaer
• ein arbeidsgjevar som satsar på trivsel og kunnskapsbygging
• eit positivt og sosialt arbeidsmiljø med stor grad av medarbeidar-tilfredsheit
• fleksible arbeidsordningar, derunder fleksitid
• løn etter avtale
• medlemskap i KLP som sikrar gode pensjonsrettar