Har du lyst til å jobbe med eit spennande rettsområde?

Har du lyst til å jobbe med eit spennande rettsområde?

Utdannings- og verjemålsavdelinga har vel 60 tilsette i tre seksjonar, ein verjemålsseksjon og to utdanningsseksjonar, alle med kontorstader både i Leikanger og i Bergen. Stillinga er lagt til verjemålsseksjonen, med kontorstad i Leikanger.

Verjemålsseksjonen har i dag om lag 30 tilsette og har ansvar for 7.700 aktive saker. Verjemålsoppgåvene er breitt samansette med oppgåver innan rettsområda arv- og skifterett, barnerett, forvaltningsrett, sivilprosess og verjemål.

Vi forvaltar over to mrd. kroner på vegner av barn og vaksne i Vestland fylke, oppnemner verjer og representantar og administrerer løpande verjemål. Vi rekrutterer, lærer opp og fører tilsyn med verjer og representantar.

Som førstelineteneste og lokal verjemålsmyndigheit har vi også ansvar for å rettleie publikum om verjemålsordninga og dei private alternativa til verjemål. Fylkesmannen i Vestland fremjar saker for domstolane om fråtaking av rettsleg handleevne og har rett til å vere sjølvprosederande.

Det er ledig ei fast stilling, med kontorstad i Leikanger.

Det kan bli aktuelt å tilsette ein person i 6-månaders engasjement, ved same kontorstad.

Utdannings- og verjemålsavdelinga har eit godt arbeidsmiljø, og det er gode høve til fagleg utvikling.

• Sakshandsaming og rettleiing på verjemålsområdet
• Informasjonsarbeid og anna utoverretta verksemd

• Cand.jur./Master i rettsvitskap
• Erfaring frå sakshandsaming
• Kunnskap om og erfaring med verjemålslova
• Engasjement for menneske og fokus på rettstryggleik
• For tilsetjing som seniorrådgjevar krev vi lang og relevant erfaring, og god innsikt i offentleg forvaltning

Vi ønskjer deg som er samfunnsengasjert, tek initiativ og likar tverrfagleg samarbeid. I vurderinga av kandidatane vil det bli lagt særleg vekt på samarbeidsevner og kommunikasjonsferdigheiter.

• interessante arbeidsoppgåver
• ein arbeidsplass i utvikling
• eit kompetent og godt tverrfagleg arbeidsmiljø
• medlemskap i offentleg tenestepensjonsordning
• fleksibel arbeidstid

Stillinga er lønna i stillingskode 1434 rådgjevar/ 1364 seniorrådgjevar, frå kr 490 000 - 590 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse.  For særskilt kvalifiserte søkjarar kan vi vurdere høgare lønn.      

Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet er IA-verksemd, og vil leggje til rette for arbeidstakarar med nedsett funksjonsevne.

Dei første seks månadane er prøvetid.

Tenestemålet er nynorsk.

Vitnemål og attestar må leggjast ved søknaden.

Søkarlista er i utgangspunktet offentleg. Du kan be om unntak dersom vilkåra i lova er til stades.

Nærare opplysningar om stillinga får du av seksjonsleiar Liv Sørevik tlf. 55 57 22 67/ mobil 900 49 653, eller avdelingsdirektør Anne Hjermann tlf. 55 57 22 75/ mobil 970 09 588.