Er du vår nye kollega på byggesak?

Gulen kommune har ledig 100% fast stilling på byggjesakshandsaming og tilsyn, med oppstart snarast/ etter avtale. Stillinga ligg til eining for Plan, landbruk og teknisk, der me er 10 tilsette som hovudsakleg jobbar med byggjesakshandsaming, planforvaltning, kart- og oppmåling, landbruk, miljø og klima. 

Stillinga vil vere delt mellom byggjesakshandsaming og tilsyn. Den som tiltrer stillinga vil jobbe i nært samarbeid med vår byggjesakshandsamar og resten av eininga. For den rette kandidaten kan me vere fleksible med heimekontorløysingar.

Arbeidsoppgåver:

• Handsaming i byggje,- dele-, og dispensasjonssaker etter plan- og bygningslova
• Råd og rettleiing etter plan- og bygningslova
• Ansvar for tilsyn og oppfølging av ulovlege tiltak
• Handsaming av klagesaker knytt til ansvarsområdet
• Deltaking i plangruppemøter og politiske utvalsmøter
• Eventuelt GIS-bistand i plansaker
• Andre oppgåver som måtte kome til

Kvalifikasjonar:

• Treårig utdanning på høgskule –eller universitetsnivå innanfor relevant fagområde, helst ingeniør eller jurist
• God kjennskap til plan- og bygningslova, samt anna relevant lovverk
• Helst erfaring med byggesakshandsaming og tilsyn
• God munnleg og skriftleg framstillingsevne og forståing for politiske og kommunale prosessar
• Erfaring med kommunalt sakshandsamingssystem og GIS er ynskjeleg
• Kjennskap til kommunen er ein fordel
• Krav om førarkort kl B 

Personlege eigenskapar:

• Evne til å raskt sette seg inn i nye problemstillingar
• Strukturert, systematisk og leverer arbeid av god kvalitet
• Løysingsorientert, fleksibel og sørvisinnstilt
• Har gode samarbeidsevner og er ein god lagspelar for kollegaer og leiar
• Å vere personleg eigna kan verte vektlagt ved tilsetjing

Anna:

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, PU, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkarjen høve til å trekke søknaden sin før offentleggjering

Vi tilbyr:

• Godt arbeidsmiljø
• Løn etter avtale
• Gode forsikrings- og pensjonsordningar
• Hjelp til å skaffe bustad