Maritim samfunnsmedisin
- Arbeidsgiver
- Helse Bergen
- Stillingstittel
- Maritim samfunnsmedisin
- Frist
- 19.06.2020
- Ansettelsesform
- Fast
Norsk senter for maritim medisin og dykkemedisin (NSMDM) er eit nasjonalt kompetansesenter ved Yrkesmedisinsk avdeling, Haukeland universitetssjukehus, med formål om å fremje helse blant sjøfolk og dykkarar. Senteret har 16 tilsette med variert fag- og erfaringsbakgrunn, og driv m.a. undervising, rådgjeving, saksbehandling, forsking, utvikling av medisinske læremiddel, regelverksarbeid, seleksjonsmedisinske utgreiingar av dykkarar og sjøfolk og driftar den norske telemedisinske legevakta for sjøfolk, Radio Medico. Senteret jobbar tett med m.a. Sjøfartsdirektoratet, Forsvaret og Universitetet i Bergen, og har ei rekkje prosjektsamarbeid med andre offentlege, ideelle og private aktørar innan den maritime næringa i Noreg og i utlandet.
NSMDM er ein seksjon ved Yrkesmedisinsk avdeling som forutan NSMDM består av Arbeidsmedisinsk poliklinikk, Seksjon for klinisk spesialallergologi, Seksjon for hyperbarmedisin, ein sjukepleieseksjon og ein kontorseksjon. Avdelinga har tre nasjonale behandlingstenester (spesifikk bronkial provokasjon ved mistenkt yrkesrelatert astma, yrkesmedisinsk utgreiing av yrkesdykkarar og elektiv hyperbar oksygenbehandling). Det er utstrakt samarbeid på tvers av seksjonane. Avdelinga har eit regionalt ansvar for Helseregion III (Vestland og Rogaland).
Arbeidsoppgåver
- Telemedisin - vaktarbeid i Radio Medico, den telemedisinske legevakta til sjøs (for tida seksdelt vakt)
- Prosjektleiing - inngå som prosjektleiar i prosjekt og satsingar innan maritim medisin ved senteret
- Undervising - halde førelesingar på maritimmedisinske kurs for legar, sjukepleiarar, sjøfolk med helseoppgåver mv.
- Anna aktivitet - aktivt bidra med eigne erfaringar og kompetanse til løyse senterets oppdrag i inn- og utland
- Det er store moglegheiter for personleg utvikling i stillinga. Det vil kunne leggjast rette til forskingsaktivitet
- Arbeidsoppgåver vil kunne bli endra over tid, tilpassa senterets utvikling/behov og kompetansesamansetninga i personellgruppa
- Vi stiller ikkje krav om spesialkunnskapar eller anna særskild erfaring innan maritim medisin for tilsetjing i denne stillinga. All naudsynt opplæring vil bli gitt
Kvalifikasjonar
- Lege med variert erfaring frå primær og/eller spesialisthelsetenesta og interesse for samfunnsmedisin
- Kjennskap til maritim sektor (sjøfart, fiskeri, oppdrett mv.) og erfaring frå helsetenester i eit kyst-/fiskerisamfunn vil telje positivt
- Leiarerfaring/prosjektleiarerfaring, eventuelt også relevant tilleggsutdanning
- Forskingsinteresse og formidlingserfaring vil telje positivt
- Evne til å uttrykkje seg munnleg og skriftleg på både norsk og engelsk
Personlege eigenskapar
- Systematisk og resultatorientert
- Ansvarsbevisst med evne til gjennomføring
- Fleksibel og løysingsorintert
Vi tilbyr
- Spennande, aktivt og tverrfagleg arbeidsmiljø
- Ei unik moglegheit for nybrottsarbeid
- Gode moglegheiter for fagleg og personleg utvikling - vi vil leggje til rette for eit spesialiseringsløp innan samfunnsmedisin
- Lønn etter avtale
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor
- Offentlig
- Sted
- Haukelandsveien 22, 5021 Bergen
- Bransje
- Helse og omsorg
- Stillingsfunksjon
- Lege
Nøkkelord
samfunnsmedisin, akuttmedisin, maritim, medisin
Spørsmål om stillingen
- Kontaktperson
- Marit Grønning
- Stillingstittel
- Klinikkdirektør
- Telefon
- 55 97 38 75
Følg firma
2253 følger dette firmaet
Haukelandsveien 22, 5021 Bergen