Politiadvokat 2/ politiadvokat - Økonomi, miljø og arbeidsmarknadskriminalitet

I Vest politidistrikt ved Felles eining for påtale, er det ledig ei stilling som politiadvokat 2 SKO 1543 ved Seksjon for organisert kriminalitet, økonomi og miljø. Fagområdet vil vere straffesaker innan økonomisk kriminalitet, miljøkriminalitet og arbeidsmarknadskriminalitet. Ved behov kan det også bli aktuelt å bistå med påtalearbeid innan andre fagområder.

I stillinga vil du få erfaring med prosedyre gjennom aktorering, påtalearbeid, etterforskingsleiing, strafferett og sivile rettsområder. Du vil ha ansvar for di eiga portefølje og forvalte eit viktig samfunnsoppdrag saman med dyktige og engasjerte kollegaer med lang påtaleerfaring. Seksjonen har eit godt arbeidsmijø og består av 13 jurister som jobbar med store og spanande saker. Dette gjer vi i samarbeid med både etterforskarar, kollegaer på påtale og eksterne aktørar som tingretten, lagmannsretten, statsadvokaten, media, Økokrim og andre offentlege organ.

Ved intern tilsetjing som politiadvokat 2 eller ved mangel på kvalifiserte søkjarar til politiadvokat 2, vil det bli ledig stilling som politiadvokat SKO 1245. Arbeidsstad vil vere i Bergen eller etter ønskje Florø. 

Arbeidsoppgåver

• Påtalemessig leiing av etterforsking og andre oppgåver innan påtalespørsmål og straffesakshandsaming - i hovudsak med saker knytt til økonomi, miljø og A-krimsaker
• Leie og vere ansvarleg for etterforskinga i den enkelte sak. Dette inneber å kvalitetssikre etterforskinga, sørge for at den er planmessig og formålsstyrt og at den blir gjennomført med naudsynt framdrift
• Gjennomføre aktorat for tingrett og lagmannsrett
• Jourtjeneste kan bli pålagt
• Andre oppgåver pålagt av overordna 

Kvalifikasjonar

• Juridisk embetseksamen/Master i rettsvitenskap
• For politiadvokat 2 er det krav om minst 5 års arbeidserfaring med leiing av straffesaker, eller 3 års påtaleerfaring kombinert med inntil 3 års anna relevant erfaring
• For politiadvokat 2 kan unntak til kravet om arbeidserfaring bli vurdert for særskilt sterkt kvalifiserte søkjarar
• For politiadvokat krev ein minst 1 års erfaring innan påtalearbeid, eller minst 2 års relevant arbeidserfaring
• God munnleg og skriftleg framstilling på norsk og engelsk
• Tilleggsutdanning eller brei erfaring frå fagfeltet, t.d. erfaring  frå skatte- og avgiftsrett, trygderett, miljørett, forretnings- eller forvaltningsjuss, blir vektlagt
• God innsikt i politiet sine oppgåver og organisasjon er ein fordel

Personlege eigenskapar

• Vere tett på, modig, vise respekt og tenkje heilskapleg
• Beslutningsdyktig og sjølvstendig - ha evne til å stole på eigen vurdering og treffe avgjerder i saker og portefølje
• Vere ansvarsbevisst og strukturert
• Mål- og resultatorientert
• Ha gode kommunikasjons- og samarbeidsevner

Vi tilbyr

• Ein utfordrande og spanande arbeidsplass for deg som vil vere ein del av sammfunnsoppdraget som påtalemyndigheten forvalter
• Eit solid fagmiljø med gode utviklingsmoglegheiter, og eit arbeidsmiljø med engasjerte og dyktige kollegaer
• Stillingane blir lønna som politiadvokat 2 SKO 1543 i spennet frå kr. 720.000,- til kr. 750.000,- brutto per år eller som politiadvokat SKO 1245 i spennet frå kr. 630.000,- til 650.000,- brutto per år. Lønn er avhengig av kompetanse og ansvarsområde.
• Medlemskap i Statens pensjonskasse, med blant anna gode pensjons- og forsikringsordningar (sjå https://www.spk.no/ for meir info)

Generelt: 
Vi vil rekruttere den best kvalifiserte kandidaten til stillinga, og treng difor eit breitt rekrutteringsgrunnlag. Politiet er ein open og inkluderande etat kor alle søkjarar blir vurdert likeverdig. Vi oppfordrar difor kvalifiserte kandidatar med relevant utdanning, bakgrunn, arbeids- og livserfaring til å søkje jobb hos oss.

For stillinga gjeld vanlege tilsetjingsvilkår i staten, mellom anna prøvetid etter Statsansatteloven. Søkjarar må kunne skrive både bokmål og nynorsk. Det er krav om plettfri vandel. Aktuelle søkjarar vil bli kalla inn til intervju. Stadfesta vitnemål og attestar må takast med til intervjuet. Vi gjer merksam på at søkjarlista kan bli gjort offentleg sjølv om søkjar ber om å få vere anonym, jf. Offentleglova § 25.

Vi ber om elektronisk søknad via lenka. 

Ref.nr:  20/59995