Systemkoordinator og dataguru

Bergen Offentlege Bibliotek jobbar smart og bruker mange digitale system og verktøy for å gje gode tenester til innbyggarane, og for å legge til rette for best mogeleg intern samhandling. Me søker no etter ein dyktig, engasjert og allsidig IKT-systemkoordinator som vil drive fram og koordinere aktivitetar knytt til systema våre, samt bidra til arbeidet vårt med data og læring. Stillinga vil ligge til avdeling for Teknologi og læring.

Det viktigaste systemet i verksemda er fagsystemet Bibliofil som heldt orden på alle lånarar, bøker og utlån, men me har også sjølvbetjeningsløysingar, system for utstillingar og opplevingar, digitale utlånssystem for e-bøker, film og spill, vaktplansystem og ulike samhandlingsløysningar. Til stillinga ligg det også å jobbe med publikum, og å bidra til å skape en arena for læring og opplysning i ei digital tid, til dømes gjennom tilrettelegging av kodeklubbar, styrke informasjonskompetanse eller ved å stimulere til digital lesedugleik.

Biblioteket er i vekst, og for å kunne gje trygge innbyggertenester, ta kunnskapsbaserte avgjerder og ha kompetente medarbeidarar, er me spesielt opptatt av informasjonstryggleik og personvern, data og statistikk, samt å bygge eit godt miljø for læring. Håpar du har lyst til å bli med på laget! 

Arbeidsoppgåver

• Fagleg ansvar og koordinering av dagleg drift og utvikling av IKT-system som inneber tilgang-og konfigurasjonsstyring, brukarstøtte og feilretting.
• Vere koordinator mot leverandørar og lokal  driftsleverandør i forhold til endringsønske, melding om feil, dialog i forhold til nye versjonar og tenester, og testing/brukartesting av desse.
• Ivareta informasjonstryggleik  og personvern, i samråd med personvernombod og avdeling for informasjonssikkerhet og personvern i Bergen kommune. 
• Uttrekk og behandling av statistikk og data, og legge til rette for vidare bruk av desse til dømes gjennom dashbords eller visualiseringar.
• Brukarstøtte, opplæring og dokumentasjon.
• Delta i digitale utviklingsprosjekt - utarbeiding av kravspesifikasjonar, ivareta god brukaroppleving (UX), gjennomføre IKT-anskaffingar og driftsetjing av system. 
• Opplæring av tilsette og publikum i bruk av digitale plattformer.
• Bidra til å utvikle biblioteket som læringsarena for digitale ferdigheiter og digital kultur.
• Inngå i bibliotekets Team for statistikk, Team for IKT-drift og Team for digital læring.
• Inngå i biblioteket si vaktordning.  

Kvalifikasjonar

• Relevant utdanning på bachelornivå eller høgare innan fag som teknologi, informasjonsvitskap eller relevant tilleggsutdanning innan digitalisering. 
• Erfaring med systemforvaltning og brukarstøtte.
• Erfaring med prosjektarbeid og samarbeid i team.
• Erfaring frå arbeid med informasjonstryggleik og personvern.
• Erfaring med opplæring, kursing og rettleiing i bruk av system.
• Det er ønskjeleg med erfaring frå arbeid med kravspesifikasjonar og anskaffingar.
• Det er ønskjeleg med ferdigheiter innan behandling av data/rådata, til dømes i rekneark eller ved skripting 

Personlige eigenskapar

• Særs god teknologiforståing, og du likar å halde deg oppdatert innan fagfeltet.
• God teft for nye digitale verktøy som kan komme organisasjonen og publikum til gode i morgondagens bibliotek. 
• Gode samarbeid-og lagspelarevner.
• Systematisk, nøyaktig og bevisst på tryggleik
• God evne til å kommunisere bibliotekets behov og ønske til leverandørar og utviklarar.
• Sjølvstendig, viser ansvar og tek eigarskap. 
• Gode pedagogiske evner, og du likar godt å lære bort på ulike måtar.  

Vi tilbyr

• Stillingsbrøk 100%.
• Moglegheit til å bidra til ein kunnskapsbasert og digital utvikling av biblioteket, til det beste for innbyggarar og tilsette.
• Spennande oppgåver knytt til digitalisering, data og tryggleik, i et aktivt og utviklingsorientert bibliotek, og i eit større fagmiljø i Bergen kommune.
• Engasjerte, kreative og dyktige kollegaer som brenn for å formidle kultur og kunnskap.
• Gode moglegheiter for fagleg utvikling.
• IA-verkstemd.
• Lønn etter avtale.