Senior fagmedarbeidar/fagspesialist innan stadnamn

Vil du vere med og ivareta stadnamn som verneverdige kulturminne i Noreg ? Er du oppteken av språk og skrivemåtar? Kan du lese kart og sjå samanhengen mellom natur og stadnamn? No har du sjansen til å vere med på stadnamnlaget i Kartverket og ta vare på stadnamn.

Kartverket fastset skrivemåten av stadnamn og driftar det sentrale stadnamnregisteret (SSR). Denne oppgåva er lagt til matrikkel og stadnamnavdelinga i eigedomsdivisjonen. Eigedomsdivisjonen er nasjonal tinglysingsstyresmakt og sentral matrikkelstyresmakt. Divisjonen forvaltar data frå grunnbok og matrikkel, og har forvaltingsoppgåver knytt til lov om stadnamn og administrative grenser, som kommune- og riksgrenser. 

I tråd med lov om stadnamn § 7 vedtek Kartverket skrivemåten av gardsnamn, bruksnamn, seternamn, naturnamn og namn på reinbeitedistrikt.

Vår fagspesialist på stadnamn går av med pensjon og vi treng å styrkje stadnamnteamet vårt på Hønefoss. 

Arbeidsoppgåver

• Saksbehandle etter stadnamnlova
• Kvalitetsheve Sentralt stadnamnregister
• Dele kunnskap og erfaringar med stadnamnteamet
• Rettleie partar og interessentar innanfor saksområdet
• Andre oppgåver kan bli lagt til stillinga  

Kvalifikasjonar

• Formell utdanning i nordisk/norsk innanfor språklige emne, fortrinnsvis namnegransking, etymologi, språkhistorie eller dialektologi, minimum bachelorgrad
• Meget gode norskkunnskapar, både skriftleg og munnleg formuleringsevne
• Det er ønskeleg med master innanfor nordisk/norsk med språklege emner, fortrinnsvis namnegransking, etymologi, språkhistorie eller dialektologi
• Det ønskeleg med kartforståing, kjeldeforståing og saksbehandlingserfaring
  

Personlege eigenskapar

• Du er ein lagspelar og bidreg til å gjere andre gode
• Du er strukturert, nøyaktig, grundig og systematisk
• Du er analytisk og reflektert
• Du evnar å ta ansvar for kvalitet og leveransar
• Du er fleksibel og har evne og vilje til endring, utvikling og omstilling
• Du er engasjert og initiativrik

Vi tilbyr

• Interessante og varierte arbeidsoppgåver i eit godt arbeidsmiljø
• Løn som seniorkonsulent/rådgjevar, frå kr 505 000,- til kr 640 000,- avhengig av utdanning og erfaring. Høgare løn kan vurderast for særskild godt kvalifiserte søkjarar
• God pensjonsordning gjennom Statens pensjonskasse 

Kartverket prioriterer eit inkluderande arbeidsliv. Vi legg forholda til rette for deg med redusert funksjonsevne.