Rådgjevar/seniorrådgjevar i spesialisthelsetjenesteavdeli? ngen

Vi er opptekne av mangfald, og ønskjer å vere ein arbeidsplass som speglar folket. Vi oppmodar difor alle kvalifiserte kandidatar til å søkje. Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg arbeidstilhøva til rette om det trengst.  

Gjev du til kjenne at du har innvandrarbakgrunn, nedsett funksjonsevne eller hol i CV-en, kan opplysningane du gjev, brukast til statistikkformål.

Vi har no ledig ei 100 % fast stilling som rådgivar/seniorrådgivar i spesialisthelsetenesteavdelinga, seksjon for kompetanse, forsking og innovasjon. Spesialisthelsetenesteavdelinga har ansvar for innhaldet i, styring og oppfølging av spesialisthelsetenesta. Seksjon for kompetanse, forsking og innovasjon har ansvar for koordinering av departementet sitt arbeid med forsking, utvikling og innføring av nye metodar i spesialisthelsetenesta, utdanning og kompetanseutvikling, organisering av nasjonale tenester, pasienttryggleik, nasjonale kvalitetsregister samt innovasjon og næringsutvikling. Seksjonen deltar i internasjonalt arbeid innanfor fagområda

Til stillinga ligg eit heilskapleg ansvar for departementet sitt arbeid med å følge opp, koordinere og vidareutvikle det nasjonale systemet for innføring av nye metodar i spesialisthelsetenesta. Systemet skal bidra til kunnskapsbasert innføring og revurdering av metodar som blir brukte i spesialisthelsetenesta. Framover er det viktig at systemet blir tilpassa bruk av persontilpassa behandling. I tillegg vil den som blir tilsett, kunne få andre arbeidsoppgåver innanfor ansvarsområda til seksjonen og avdelinga.

Vi ser etter ein person som har

• høgare utdanning på minimum masternivå
• god kunnskap om offentleg forvaltning
• relevant arbeidserfaring
• kjennskap til spesialisthelsetenesta og system for nye metodar
• svært god munnleg og skriftleg framstillingsevne både på norsk og engelsk.

Vi søker etter ein person som

• er initiativrik
• er sjølvstendig
• er nøyaktig
• er effektiv
• liker å samarbeide med andre
• har evne til raskt å sette seg inn i aktuelle saksområde
• kan arbeide under tidspress.

Vi legg vekt på personlege eigenskapar som gjer nettopp deg skikka til stillinga. 

• eit godt arbeidsmiljø med kompetente, engasjerte og hyggelege kollegaer som er stolte av jobben sin
• eit spennande arbeidsområde
• gode utviklingsmoglegheiter
• fem veker ferie
• ordning med fleksibel arbeidstid 
• gode velferdsordningar og eit breitt tilbod av sosiale og kulturelle aktivitetar
• treningsrom og moglegheit for å trene i arbeidstida (to timar i veka). 

Les meir om å jobbe hos HOD her: Jobbe i Helse- og omsorgsdepartementet (https://www.regjeringen.no/no/dep/hod/jobb-i-hod/jobbe-i-helse--og-omsorgsdepartementet/id2411858/)

Vi er underlagde lov- og avtaleverk som sikrar dei tilsette ryddige arbeids- og tenesteforhold.

Løn: kr 550 000 til 730 000, avhengig av kvalifikasjonar og erfaring.

2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.

Dersom du tykkjer dette høyrest interessant ut og ønsker nærmare informasjon om stillinga, kan du ta kontakt med avdelingsdirektør Maiken Engelstad på telefon 22 24 83 33 eller 98 01 34 10.

Send søknad elektronisk via lenka "Søk stillinga" nedst på sida til JobbNorge.no.

Legg ved vitnemål og eventuelle attestar, og legg inn opplysningar til din CV.  

Alle dine personopplysningar vert tatt vare på i samsvar med GDPR.    

Unntak fra offentlig søkerliste  

I samsvar med offentleglova § 25 gjer vi merksam på at opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista.