Konsulent

Dokumentsenteret arbeider for å sikra kommunen sin dokumentasjon etter prinsippa om å ta vare på dokumenta sin autentisitet, integritet, påliteligheit og bruksnytte. Samtidig skal personvern og informasjonssikkerheit ivaretas.

Dokumentsenteret er i dag ein sentral aktør innan digitaliseringsarbeid som foregår i kommunen. Me ser at dokumentforvalting heng stadig tettare saman med arbeidsprosessar, teknologiske løysingar og brukarane av løysingane. Dette stiller meir og meir krav til oss. Dokumentsenteret må forstå prosessane som skaper dokumentasjon. Me må drive både eigne anskaffelses- og utviklingsløp og delta konstruktivt inn i den øvrige organisasjonen for å finne løysingar som fungerer både i eit arkiv-, saksbehandlings- og brukaropplevingsperspektiv. Det er ei ny arkivlov på trappene som på sikt vil få konsekvensar for måten det skal jobbast med arkiv og dokumentforvaltning i kommunen. 

Parallelt med utviklingsarbeid har dokumentsenteret den daglege drifta å ivareta. Me har ei sentralisert arkivteneste der me driftar kommunen si sak/arkivløsning Acos websak og arkivkjernen Visma samhandling arkiv, samt registrerer i fagsystema Visma Familia, Profil og PPT.
Me må også ha kjennskap til kommunen sitt historiske arkiv og bistå interne saksbehandlarar og innbyggarar i å navigera i desse.

Arbeidsoppgåver

Som tilsett ved dokumentsenteret vil du yta brukarstøtte og aktivt rettleia saksbehandlarar i lovverk, rutinar og i bruken av systema våre.

Du vil vera ein sterk bidragsytar ved å identifisera forbetringsområde og vera aktiv i eit kontinuerlig utviklingsarbeid.

Du vil vera involvert i den daglege drifta av dokumentsenteret med mellom anna innregistrering og fordeling av post frå ulike kjelder, behandling av innsynsbegjæringar og kvalitetssikring av registreringar føreteke av saksbehandlarane.

Kvalifikasjonar

• Relevant høgare utdanning på bachelornivå. Ved særleg relevant arbeidserfaring i kombinasjon med andre kvalifikasjonskrav, vil søkarar som ikkje oppfyller bachelorkravet også vurderast.
• Stor interesse og forståing for digitale prosessar.
• Arkivfagleg erfaring 

Det tel positivt om du har erfaring frå:

•  dokumentasjonsforvalting og lovverk innan offentleg forvalting
•  personvern
•  bevarings- og kassasjonsvurderingar
•  noark-basert saksbehandlingsløysing 
•  opplæring og support
•  integrasjon mellom fagsystem og arkivsystem
•  uttrekk av fagsystem.

Personlege eigenskapar

Du er ein person som liker å yte god service, også i travle periodar. Du er fleksibel, tar nye utfordringar og arbeidar strukturert og nøyaktig. God skriftleg og munnleg framstillingsevne på norsk er nødvendig.

Du er flink til å tileigna deg ny kunnskap og har fokus på forbetring. Det er viktig at du kan arbeida strukturert og nøyaktig, samtidig som du greier å løfta blikket og sjå heilheita.

Me vil ha deg som er ein positiv tilvekst til arbeidsmiljøet, både sosialt og fagleg.  Du har gode samarbeids- og kommunikasjonsevner.

Det vert lagt vekt på at du er eigna til stillinga.

Me tilbyr