Produksjonsmedarbeidar

Om stillinga:

Du vil vera ein av 3-4 tilsette i vår monteringsavdeling. Dette er siste del av produksjonen, der me utfører montasje/samanstilling, sluttkontroll, pakking og utsending til kunde. Det er mange og varierte oppgåver her. Me planlegg no investering i nye maskinar og utstyr i avdelinga. Alle tunge løft forsvinn, og kapasiteten blir auka. 

Arbeidsoppgåver:

• Montasje av beslag, glas osv. i dører. Sluttkontroll. Pakking og emballering.

• Logistikk. Varemottak, og utsending til kunde. (Arbeid med fraktbrev, inkl. kundekontakt er aktuelt)

• Delta i produksjonsplanlegging. Ansvar for god intern flyt av varer, slik at dei rundt deg kan arbeida effektivt. 

• Bidra aktivt i forbetringsarbeidet vårt. 

Personlege eigenskapar:

• Du må ha godt humør. Dette er viktig for oss!

• Me ser etter deg som tar initiativ, og som vert motivert av å få ting gjort.

• Me vil ikkje ha ein rotekopp. Fabrikken skal vera ryddig og oversiktleg. 

• Du må definitivt vera lærevillig. Det er mykje ein må lære seg for å fungere godt i jobben.

• Du må kunne ha fleire ballar i lufta samstundes.

Ønska kvalifikasjonar:

• Fagbrev. Snekker og tømrar er definitivt relevante. Saman med relevant erfaring, så kan også andre fagbrev vera rett for oss. Relevant erfaring kan kompensera for manglande fagbrev.

• Gode norskkunnskapar. Hjå oss snakkar me norsk, sjølv om me også har nokre tilsette frå andre land.

• Kjennskap til LEAN er ein fordel, men ikkje eit krav.

• Kjekt om du har truckførarlappen. Har du den ikkje, så sender me deg på kurs.

• Denne jobben passar akkurat like bra for ei dame, som for ein mann.

Oppstart:

Snarast råd, men du er ikkje diskvalifisert sjølv om du har oppseiingstid i din noverande jobb.

Kva kan me tilby?

• Gode kollegaer i ulik alder, med ulik erfaring og ulik bakgrunn. Utan desse, så stoppar alt.

• Innandørs arbeid i temperert klima. Hjå oss er det aldri vind, regn, sludd, snø, søle, eller mørke.

• Offensive tankar om framtida. Vårt mål er at me heile tida skal gjera endringar og investeringar som gjer oss meir konkurransedyktige, og som gjev ein meir spanande arbeidskvardag for dei tilsette.

• Ein trygg og stabil arbeidsplass med moglegheiter for utvikling. (Ingen permitterte sidan 1946)

• Forsikringsordningar og timebank

• Konkurransedyktig løn

• Pensjonsordning

• God opplæring, slik at du kjenner at du meistrar arbeidet.