Rådgjevar/ seniorrådgjevar
Fylkesmannen i Vestland
- Frist 5.2.2020
- Ansettelsesform Fast
Rådgjevar/ seniorrådgjevar - plan
Om stillinga:
Fylkesmannen har seks avdelingar med ei brei oppgåveportefølje, og du vil få ein spennande jobbkvardag hjå oss. Kommunalavdelinga har vel 50 tilsette i tre seksjonar, og seksjon plan har for tida 16 tilsette og vert leia frå Bergen.
Vi har ledig fast stilling for rådgjevar eller seniorrådgjevar med kontorplass i Bergen.
Arbeidsoppgåver:
- rettleiing og formidling av statlege omsyn som ligg inn under Fylkesmannen sitt embetsoppdrag, i kommunale og regionale planprosessar etter plan- og bygningslova
- vurdering av statlege interesser i kommunale planar og vedtak
- deltaking i samordning av statlege planinteresser
Kvalifikasjonar:
- master eller tilsvarande, primært innan geografi eller naturforvaltning
- arbeidserfaring frå planarbeid innan kommunal og/eller statleg sektor
- god munnleg og skriftleg framstillingsevne på norsk (begge målformer)
- god kjennskap til plansystemet og til offentleg forvaltning
Personlege eigenskapar:
- strukturert og effektiv
- sjølvstendig, men òg samarbeidsorientert
Som tilsett hos Fylkesmannen får du:
- interessante arbeidsoppgåver
- ein arbeidsplass i utvikling
- eit kompetent og godt tverrfagleg arbeidsmiljø
- medlemskap i offentleg tenestepensjonsordning
- fleksibel arbeidstid
Vilkår:
Stillinga er lønna i stillingskode 1434 rådgjevar/ 1364 seniorrådgjevar, frå kr 490 000 - 620 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.
Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonal eller etnisk bakgrunn. Embetet er IA-verksemd, og vil leggje til rette for arbeidstakarar med nedsett funksjonsevne.
Dei første seks månadane er prøvetid.
Tenestemålet er nynorsk.
Vitnemål og attestar må leggjast ved søknaden.
Søkarlista er i utgangspunktet offentleg. Du kan be om unntak dersom vilkåra i lova er til stades.
Nærare opplysningar om stillinga får du hjå seksjonsleiar Egil Hauge, telefon 55572350, mobil 975 04 007, e-post: fmhoeha@fylkesmannen.no, eller kommunaldirektør Nils Erling Yndesdal, telefon 57643120, mobil 957 23 372, e-post: fmsfney@fylkesmannen.no.
Om arbeidsgiveren
Fylkesmannen er statens representant i fylket, og har ansvar for å følgje opp vedtak, mål og retningslinjer frå Stortinget og Regjeringa. Fylkesmannen skal dessutan fremje fylket sine interesser, og kan ta initiativ både lokalt og overfor sentrale styresmakter.
Fylkesmannen i Vestland har delt lokalisering mellom Leikanger, Bergen og Førde - med hovudsete i Leikanger.
- Sektor: Offentlig
- Sted: Kaigaten 9, 5015 Bergen
- Bransje: Offentlig administrasjon
- Stillingsfunksjon: Saksbehandler
- FINN-kode 168021438
- Sist endret