Førsteamanuensis/ førstelektor i spesialpedagogikk/ pedagogikk

Stillinga inngår i Institutt for pedagogikk, religion og samfunnsfag, campus Bergen.

Stillinga er primært knytt til pedagogikk-fagmiljøet for grunnskulelærarutdanningane (GLU) ved HVL campus Bergen. Pedagogikk GLU er eit stort fagmiljø med brei kompetanse innanfor allmennpedagogikk, spesialpedagogikk og profesjonsretta pedagogikk. Fagmiljøet er hovudsakleg knytt til grunnskulelærarutdanningane med master i mellom anna spesialpedagogikk, men bidrar også aktivt i desentralisert  kompetanseutvikling og i etter- og vidareutdanningstilbod knytt til mellom anna ulike spesialpedagogiske emne, tilpassa opplæring, rettleiing, rådgjeving, karriererettleiing m.m. Fagmiljøet er også aktivt deltakande i andre masterutdanningar og i doktorgradsprogrammet Danning og didaktiske praksisar . Pedagogikk-fagmiljøet har eit rikt og mangfaldig forskarmiljø med pågåande prosjekt nasjonalt og internasjonalt, og i samarbeid med skular og andre samfunnsaktørar i regionen.

• Undervise, rettleie og utvikle studentaktive læringsformer i tråd med krav i studietilsynsforskriften. Disse oppgåvene vil være knytt til grunnskulelærarutdanningane, bachelor-, master-, og ph.d.-utdanning og innanfor etter-og vidareutdanning.
• Forsking- og utviklingsarbeid med klar relevans for instituttets fagområde. Fakultetet har 5 strategiske forskingsprogram (Kunst, kreativitet og kulturelle praksisar; Språk, kommunikasjon og læring; Praksisnær profesjons-og utdanningsforsking; Berekraft, medverknad og mangfald og Idrett, fysisk aktivitet og kosthald) og det blir forventa at dei tilsette bidreg med forsking innretta mot eitt eller fleire av programma.
• Institusjonsbyggjande arbeid irekna: rettleie tilsette, fagadministrative oppgåver, internasjonalisering og samhandling med eksterne partnarar
• Delta i utvikling av forskingsprosjekt og utarbeide søknader om ekstern finansiering samen med kollegaeri fagmiljøet
• Aktivt bruke digitale verktøy i arbeidskvardagen

Søkjaren må enten ha doktorgrad/førstelektorkompetanse i pedagogikk, eller annen førstekompetanse med klar relevans for eit eller fleire av følgjande område:

• Språk-, lese- og skrivevanskar
• Barn og unges sosiale og emosjonelle utvikling
• Psykososialt miljø
• Tilpassa opplæring og spesialundervisning i skulen, på individ- og systemnivå
• Rådgjeving og rettleiing

Den som blir tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel. Høgt etisk medvit i møte med studentar er påkravd.

Undervisningsspråket er norsk og søkarar må meistre norsk eller eit anna skandinavisk språk.

Den som blir tilsett må vere personleg egna for stillinga.

Følgande teller positivt i vurderinga

• Erfaring frå relevante forskings- og utviklingsprosjekt, irekna erfaring med å skaffe ekstern finansiering og utvikling av forskings- og utviklingsprosjekt med praksisfeltet
• Pedagogisk kompetanse og relevant erfaring frå barnehage, grunnskule, vidaregåande opplæring eller høgare utdanning
• Internasjonal erfaring

Ved tilsetting vil fagmiljøet sitt samla behov for kompetanse kunne vere avgjerande.

Aktuelle kandidatar blir innkalla til intervju med prøveforelesing.

Kriteria for tilsetjing i stilling som førsteamanuensis/førstelektor går fram av forskrift om tilsetjing og opprykk i undervisnings- og forskarstillingar fastsett av Kunnskapsdepartementet: https://lovdata.no/dokument/SF/forskrift/2006-02-09-129 (https://lovdata.no/dokument/SF/forskrift/2006-02-09-129)

Høgskulepedagogikk/ rettleiing:

Dersom den som blir tilsett ikkje har formell praktisk pedagogisk kompetanse, må vedkommande kvalifisere seg via kurs i høgskulepedagogikk og rettleiing innan to år frå tilsetjingsdato jf. nasjonale rettleiande retningsliner for UH-pedagogisk basiskompetanse, fastsett av Universitets- og høgskulerådet mai 2018.

Sakkunnig vurdering:

Søkarar til vitskaplege stillingar blir vurdert av ein sakkunnig komité. Bedømminga skjer på bakgrunn av dokumentert kompetanse, oversikt over dine arbeider og kor dei er offentleggjort og inntil 5 vitskaplege arbeid som skal leggast ved søknaden i fulltekst. Tilsetjingsorgan er tilsetjingsutval ved Høgskulen på Vestlandet.

Send søknad og CV ved å klikke på knappen merka "Søk stilling" på denne sida.

Me gjer merksam på at søknadar vert vurdert ut frå den informasjonen som er lagt inn i www.jobbnorge.no (http://www.jobbnorge.no) ved søknadsfristens utløp. Det er søkjars ansvar å sørgje for at alle relevante vedlegg er lagt inn innan fristen, her dei vitskaplege arbeida (inntil 5 stk.), fullstendig publikasjonsliste, attestar og vitnemål. Dersom vitnemåla, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsettjingar. Hvis vedlegga overstig 15 MB må dei komprimerast før opplasting eller leggjast ved som lenke.

Søknadane vert sendt elektronisk til det sakkyndige utvalet. På bakgrunn av komiteen si innstilling vil aktuelle søkjarar verta innkalt til intervju og prøveforelesning. Søknadar kan ikkje sendast på e-post til enkeltpersonar ved høgskolen.

• Gode pensjons-, forsikrings-, og låneordningar i Statens pensjonskasse

• Spennande fagmiljø med moglegheit for kompetanseheving - og utvikling

• Høve for trening i arbeidstida

Stillinga er løna etter Statens lønsregulativ, i stillingskode 1011 - førsteamanuensis eller i stillingskode 1198 - førstelektor.

Frå løna vil det bli trekt 2 % innskot til Statens pensjonskasse.

Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personar med minoritetsbakgrunn og personar med nedsett funksjonsevne. Høgskulen på Vestlandet er ei IA-verksemd.

1) Assisterande instituttleiar GLU 5-10:
Solveig Kalgraf, tlf. 55585947, epost: skal@hvl.no (mailto:skal@hvl.no)

2) Fagleg kontakt pedagogikk GLU:
Vibeke Solsvik Foldnes, tlf. 55587513, epost vsf@hvl.no (mailto:vsf@hvl.no)

Samspel, berekraft og nyskaping skal kjenneteikne alt vi gjer.

Vi skal bli eit universitet med ein tydeleg profesjons- og arbeidslivsretta profil. 

Les meir på våre heimesider. (http://www.hvl.no)

Video: https://www.youtube.com/watch?v=z-Py_In-Eyg&feature=youtu.be (https://www.youtube.com/watch?v=z-Py_In-Eyg&feature=youtu.be)