Psykologspesialist / Psykolog - Poliklinikk

BUP Haugesund gir tenester på spesialistnivå til barn og unge (0-18 år). Opptaksområdet for poliklinikken dekker 10 kommunar (Karmøy, Haugesund, Utsira, Sveio, Tysvær, Bokn, Vindafjord, Etne, Sauda og Suldal).
BUP Haugesund har poliklinikk, ungdomspsykiatrisk post og barnepsykiatrisk post. Døgnpostane har akuttfunksjonar og dekker heile opptaksområdet til Helse Fonna. Poliklinikken er inndelt i 2 geografiske allmennpsykiatriske team.
BUP Haugesund har 87 fagstillingar, der 47 er behandlarstillingar.
BUP Haugesund er godkjent som 4-årig utdanningsinstitusjon innan barne- og ungdomspsykiatri. Vi har 12 stillingar for psykologspesialistar og 8 stillingar for psykologar.

Er du opptatt av faget ditt, liker å engasjere deg, raus med å dele og er opptatt av godt arbeidsmiljø? Da er du den rette for oss på BUP.

BUP har som mål å ha høg fagleg kompetanse, at fagpersonane deltar aktivt i fagleg utvikling. BUP Haugesund driv med mange ulike behandlingsmetodar som f.eks. 4-dagers, TF-CBT, DBT m.m. Ein driv ulike typar gruppetilbod for pasientar og føresette. Nyansatte har anledning til å få nødvendig opplæring, kurs og vidareutdanning for å kunne bidra i dette tilbodet. Dersom du ikkje er spesialist enda tilbys spesialiseringsløpet.

Vi er opptatt av stor trivsel på arbeidsplassen og vi har fleire sosiale arrangement i løpet av året som felleslunsjer, fagdager, moglegheit for felles lunsjtrening og sammenkomstar på kveldstid. 

Det er ønskjeleg at ein engasjerer seg i å byggje framtidas BUP slik at alle opplever dette som den beste arbeidsplassen innan fagfeltet på Haugalandet. Fagleg leiing er vekta høgt i poliklinikken og lederteamet består av to psykologspesialistar, legespesialist og merkantil.

Funksjonsleiar for psykologspesialiststillinga er psykologspesialist Margrethe Reigstad Aase. 

Psykologfagruppa består av ein god kombinasjon av relativt nyutdanna og erfarne psykologar og psykolospesialistar.  Det er derfor tilgang til eit godt fagleg og sosialt fellesskap. Det er etablert regelmessige faggruppemøter med fokus på fagleg utvikling og samarbeid. Ein har tilgang til psykologspesifikk undervisning, i tillegg til fellesundervisning og kurs for heile BUP.

Det er ønskjeleg med snarleg tiltreding.

Vi er opptatt av godt samarbeid og samhandling. Kjenner du til barn og unges helseteneste? Sjå filmen og bli litt betre kjent med oss: https://youtu.be/FKTrqoZHBxM 

Arbeidsoppgåver

• Utgreiing, diagnostisering og behandling av barn og ungdom.
• Bidra fagleg gjennom rettleiing, undervisning, teamarbeid og engasjert deltaking i BUP si utvikling via fagnettverket.
• Kontakt med føresette og andre aktuelle instansar rundt barn/ungdom.

Kvalifikasjonar

• Norsk autorisasjon som pykolog / spesialistgodkjenning.
• Det er ønskjeleg med erfaring frå arbeid i BUP.
• Må kunne godt norsk skriftleg og munnleg.

Personlege eigenskapar

• Evne til samarbeid og formidling av kunnskap internt og eksternt.
• Arbeider strukturert og sjølvstendig.
• Kreativ, nytenkjande og fleksibel.
• Personlege eigenskapar blir vektlagde i henhold til eksisterande team.
• Personleg presentasjon, CV og referanser blir vektlagt i rekrutteringsprosessen. 

Vi tilbyr

• Eit utfordrande og spennande arbeidsfelt i utvikling.
• Arbeid i tverrfaglege team.
• Kompetanseheving.
• Eit godt fagmiljø og kjekke kolleger.
• Vekesvise faggruppemøter i ei stor og engasjert psykologgruppe.
• Lønn etter gjeldande overeinskomst.
• Stillinga er på dagtid, 37,5 t/veke og mogelegheit for fleksitid.