Forskar i frukt

Ved avdelinga Frukt og Grøntproduksjonar er det ledig ei fast stilling som forskar i frukt. Me er interessert i ein kandidat som har ekspertise innan anvendt plantefysiologi (pomologi) i frukt og bær. Det er forventa at kandidaten er med og utviklar fagområdet dyrkingsteknikk i frukt som eit forskingsområdet i NIBIO i samarbeid med fruktnæringa, rådgjevingstenesta og finansieringskjelder.

Den nye forskaren vil vera ein del av faggruppa pomologi som gjennomfører FoU oppgåver med eple, pære, plomme og søtkirsebær i forsøksfelt og laboratorium. Hovudvekta vert lagt på plantefysiologi, treforming, sortsevaluering og næringsopptak, men også andre tema som fruktsetjing og fruktkvalitet.

Stillinga er stasjonert ved NIBIO Ullensvang i Hardanger og ledig frå 1. januar 2020.

• Utvikla og gjennomføra FoU-prosjekt innan dyrkingsteknikk i nært samarbeid med kundane
• Utforma forskingssøknader til aktuelle finansieringskjelder (døme er NFR, RFF, Landbruksdirektoratet)
• Formidla og publisera forskingsresultat til næring og fagmiljø
• Skaffa seg eit nasjonalt og internasjonalt nettverk innan fagfeltet gjennom aktiv deltaking i nasjonale og internasjonale konferansar og prosjekt
• Delta i FoU prosjekt og formidling på tvers av geografi og fagleg organisering i NIBIO

• Utdanning på PhD-nivå innan plantebiologiske fag eller hagebruk
• Erfaring frå forsking og publisering av forskingsresultat
• Erfaring med internasjonalt forskingssamarbeid og nettverksbygging
• Erfaring med å skaffa forskingsfinansiering
• Erfaring innan anvendt plantefysiologi og dyrkingsteknikk av frukt
• Meistra forsøkstekniske metodar for felt og laboratorium forsøk
• Gode munnlege og skriftlege språkkunnskapar i engelsk.
• Det er krav om at tilfredstillande norskkunnskapar må tilegnast innan to år ifall ikkje skandinavisk talande (norsk, svensk eller dansk)  
• Førarkort klasse B

• Plantefysiologiske sider knytt opp mot plantesystem (treforming og skjering)
• Næringstilførsel og vatning
• Berekraftige, integrerte og økologiske dyrkingssystem
• Pollinering og fruktsetjing
• Sortsevaluering

Me søkjer ein person som:

• Er samarbeidsvillig, men som og kan arbeida sjølvstendig
• Har god formidlingsevne
• Er positiv og initiativrik
• Kan bidra til eit godt arbeidsmiljø

Kontakt avdelingsleiar Inger Martinussen, tlf (+47) 976 78 488, eller seniorforskar Mekjell Meland, tlf (+47) 906 28 538, eller sjå vår web-side.

Stillinga er plassert i det statlege lønsregulativ som forskar kode 1109 eller kode 1183 (seniorforskar), lønssteg 59 - 72
(kr 523.200 - 658.300 pr. år). Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Søknad med CV sendar du elektronisk via lenkje på denne sida, "søk stillinga".
Vitnemål og attestar skal takast med ved eit eventuelt intervju, eller leggjast ved elektronisk.

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.