Jurist til forvaltning av Noregs frekvensressursar
- Arbeidsgiver
- Nasjonal kommunikasjonsmyndighet (Nkom)
- Stillingstittel
- Jurist til forvaltning av Noregs frekvensressursar
- Frist
- 01.12.2019
- Ansettelsesform
- Fast
Frekvensressursar er ein føresetnad for mobilkommunikasjon og all anna trådlaus kommunikasjon det moderne samfunnet er avhengig av. I Nasjonal kommunikasjonsmyndigheit (Nkom) si spektrumsavdeling deltek juristane breitt, og særlig innanfor tildelingsprosessar og tilsynsarbeid. No søkjer vi ein ny jurist til spennande arbeid i grenselandet mellom jus, teknologi og økonomi.
Spektrumsavdelinga planlegg og tildelar radiofrekvensar i Noreg. Frekvensar er ein avgrensa og verdifull naturressurs som skal gje mest mogleg samfunnsnytte.
Vi deltek i internasjonale fora knytt til bruken av frekvensressursar, gjev faglege innspel og greier ut aktuelle problemstillingar knytt til bruk av frekvensar.
Nkom er ei statleg myndigheit og er, saman med Kommunal- og moderniseringsdepartementet, ansvarleg for spektrumsforvaltninga i Noreg. Aukande etterspurnad og merksemd rundt frekvenstildelingar gjev stort behov for juridiske ressursar.
Du vil vere ein del av seksjon for spektrumsplanlegging som er ein av to seksjonar i spektrumsavdelinga. Seksjonen består per i dag av 14 kollegaer med teknisk, økonomisk og juridisk kompetanse. I avdelinga jobbar det i dag fem juristar og 31 totalt i Nkom.
Arbeidsoppgaver
- juridisk kvalitetskontroll og rådgjeving
- vurdere ekomlova sine ulike kriterium og vilkår knytt til tildelingar
- utvikle og utarbeide ekomregelverket slik at det er i samsvar med samfunnets behov og med internasjonalt regelverk
- handsame tilsynssaker
- juridiske vurderingar opp mot teknologisk utvikling
Kvalifikasjoner
- mastergrad i rettsvitskap eller juridisk embetseksamen (cand. jur)
- relevante juridiske kunnskapar, erfaring og godt juridisk skjønn
- god munnleg og skriftleg framstillingsevne på norsk og engelsk
Det er ønskjeleg med:
- erfaring frå offentleg forvaltning
- kunnskap innanfor konkurranserett og EØS-rett
- erfaring med ressursforvaltning
Personlige egenskaper
- engasjert, initiativrik, open og omgjengeleg
- analytisk, strukturert, kvalitetsbevisst og serviceorientert
- evne til å arbeide nøyaktig og ryddig både sjølvstendig og saman med andre
- god til å dela innsikt og kompetanse
- nysgjerrig på teknologisk utvikling
Vi tilbyr
Stillinga er lønna som rådgjevar/seniorrådgjevar frå kr. 500 000 til kr. 700 000, avhengig av kvalifikasjonar. For særleg kvalifiserte søkjarar kan høgare lønn vurderast.Frå lønna vert det trekt to prosent innskot til Statens pensjonskasse.
Om arbeidsgiveren
Nkom skal leggje til rette for og sikre god konkurranse i marknadene for breiband, telefoni, kringkasting og post.
Vi definerer og påverkar rammevilkår og lovverk nasjonalt og internasjonalt, og vi representerer Noreg i det mangesidige arbeidet mellom anna med internett og frekvensforvaltning. Sikkerheit og beredskap i nett er ein vesentleg del av ansvaret vårt.
Nkom er lokalisert i Lillesand. Meir informasjon finn du på www.nkom.no.
Vi ønskjer kvinner og deg med minoritetsbakgrunn spesielt velkomen til å søkje. Nkom deltek i regjeringa sin inkluderingsdugnad. Vi vil gjerne ha søknadar også frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga.
Vi ber deg om å dokumentere all utdanning som er relevant for stillinga. Legg ved vitnemål i Webcruiter når du søkjer ei stilling hos oss.
Opplysningar om kven som har søkt denne stillinga, kan offentleggjerast sjølv om søkjarar har reservert seg mot å stå på offentleg søkjarliste. Søkjarar vil bli varsla i forkant av eventuell offentleggjering.
- Sektor
- Offentlig
- Sted
- Nygård 1, 4790 Lillesand
Spørsmål om stillingen
- Kontaktperson
- Bent Andre Støyva
- Stillingstittel
- seksjonssjef
- Telefon
- 90 88 99 55
- Kontaktperson
- Sidsel Huse
- Stillingstittel
- fagsjef
- Telefon
- 45 26 75 48
Nygård 1, 4790 Lillesand