Ønskjer du jobb innan nasjonalt og internasjonalt arbeid med skogpolitikk

Landbruks- og matdepartementet har ledig ei fast stilling som rådgjevar/seniorrådgjevar i avdeling for skog- og resurspolitikk, seksjon for skogpolitikk. Stillinga si hovudoppgåve vil være innanfor nasjonalt og internasjonalt arbeid med skogpolitikk.

Arbeidsoppgåvene vil til ein viss grad kunne tilpassast den tilsette sine ønskjer og kompetanse innanfor seksjonen si portefølje. Dette kan innebere arbeid med mellom anna:

• Juridiske og økonomiske verkemiddel knytt til bærekraftig skogbruk, inkludert klima- og miljøspørsmål
• Internasjonal skogpolitikk
• Verkemiddel for å betre infrastrukturen i skogbruket
• Tre og trebaserte produkt i bio- og sirkulærøkonomien
• Høstbare viltressursar
• Utvikling av utmarksnæring

Vi ønskjer deg velkommen inn i eit hektisk og hyggeleg arbeidsfellesskap med dyktige kollegaer. Vi kan tilby fleksibel arbeidstid med trening i arbeidstida og eit bredt tilbod av sosiale, kulturelle og sportslige aktivitetar. Pensjons- og forsikringsordning i Statens pensjonskasse.

Stilling som rådgjevar/seniorrådgjevar. Løn 525 000 - 780 000.

Dersom du ønskjer ytterligare informasjon eller har spørsmål knytt til stillinga, kan du kontakte avdelingsdirektør Frode Lyssandtræ på telefon 22 24 92 37.

Har relevant høgare utdanning på minimum masternivå, gjerne innan skogfag. Du må væra ein analytisk og løysingsorientert person med noko relevant arbeidserfaring. Det er ein fordel om du har erfaring frå offentleg forvaltning, eller relevant erfaring frå privat sektor. Det vil også være ein fordel om du har erfaring frå skogbruksfagleg forvaltning og/eller internasjonalt arbeid.

Vi søkar deg som tar initiativ og som evner å både arbeide sjølvstendig og samarbeide med andre. En del av oppgåvene krev godt sjølvstendig arbeid, men seksjonen samarbeider mykje internt og med andre deler av departementet samt andre departement, og det er derfor naudsynt med god samarbeidsevne.

Ein del av arbeidet knytt til stillinga vil vere internasjonalt retta. Det er naudsynt med god munnleg og skriftleg framstillingsevne i engelsk så vel som i norsk.

Personlege eigenskaper vil bli vektlagt.

I Landbruks- og matdepartementet er vi opptekne av mangfald, og vi oppfordrar alle kvalifiserte kandidatar til å søkja, uavhengig av til dømes alder, kjønn, funksjonshemjing, hól i CV og nasjonal eller etnisk bakgrunn.

Etter offentleglova § 25 skal søkjelister være offentlege. Om du ønskjer å reservere deg frå offentleg søkjeliste, må dette grunngjevast. Vi gjer oppmerksam på at opplysningar om søkjer kan bli offentleggjort sjølv om du ber om ikkje å bli ført opp på den offentlege søkjelista. Dersom anordninga ikkje blir teke til følgje, vil søkaren bli varsla om dette før offentleg søkjeliste blir utforma.