Vil du vere ein del av vårt leiarteam?

Knarvik barneskule

Skulen vår er heilt nybygd og ligg sentralt plassert i høve natur og idrettsanlegg midt i Knarvik. Vi tok skulen i bruk i mai 2019 og den framstår som ein topp moderne skule der alt ligg til rette for å skapa eit godt læringsmiljø for elevane. Til skulen ligg og Læringssenteret, eit senter som gjev eit tilpassa undervisningstilbod for elevar med særlege behov frå heile Nordhordland. Samla har i dag ca 280 elevar og eit personale på vel 40.

Vil du vera ein del av vårt leiarteam?

Frå 1.2.20 har vi ledig 100% fast stilling som undervisningsinspektør. Du er ein del av skuleleiinga og arbeider til dagleg med å legga til rette for undervisning og læring. Leiarteamet vårt består av rektor, to inspektørar knytt til skule, ein inspektør knytt til Læringssenteret og SFO-leiar.

Arbeidsoppgåver

I tillegg til leiaroppgåver og administrative oppgåver ligg det undervisningsplikt til stillinga på omlag 50 %. Administrative oppgåver vil mellom anna vera oppfølging av elevsaker, timeplanar og ansvar for vikar-arbeidet. Til leiaroppgåvene ligg oppfølging av eit lærarteam, vikar- og personaloppfølging og pedagogisk utviklingsarbeid. Du deltar i skulen si utviklingsgruppe og deltar på kommunen sine skuleleiarsamlingar.

Kompetanse

• Godkjent undervisningskompetanse.
• Minimum 3 års undervisningskompetanse frå barneskule.
• Leiarutdanning og gjerne leiarerfaring frå skule
• Erfaring med fleksibel organisering rundt tilpassa opplæring.

Personlege eigenskapar vil bli vektlagt. Vi søkjer etter ein strukturert, fleksibel og entusiastisk medarbeidar med gode samarbeidsevner, innsatsvilje, gode faglege kvalifikasjonar og interesse for pedagogisk utviklingsarbeid. Du bør vidare ha god kjennskap til opplæringslova og avtaleverk, god skriftleg og munnleg formidlingsevne og god kommunikasjonsevne opp mot elevar, føresette og medarbeidarar.

Denne stillinga krev tilfredsstillande politiattest  jf. opplæringslova.

Vi tilbyr

•  Ei inspektørstilling med leiaransvar på ein skule med eit engasjert og utviklingsorientert miljø.
•  Gode mogelegheiter for fagleg og personleg utvikling.
•  Løn og tilsetjingsvilkår i samsvar med lov og avtaleverk.

Søknad

Send søknad via vårt elektroniske søknadssystem. Dersom du har behov for hjelp med registrering, kontakt personalavdelinga.