2 rådgjevarstillingar - arkivar

Interkommunalt arkiv for Møre og Romsdal (IKA Møre og Romsdal) er eit interkommunalt selskap eigd av 36 kommunar i fylket samt Møre og Romsdal fylkeskommune. IKA Møre og Romsdal forvaltar papirbasert og digitalt arkiv for eigarane. Vi er ein kompetanseinstitusjon innan arkiv og dokumenthandtering. Dei fylkeskommunale institusjonane Kulturnett, FylkesFOTOarkivet og Fylkessenter for digitalisering av kulturarven er lagt til IKA Møre og Romsdal. Vi har i dag 16 tilsette. Selskapet har kontor i sentrum av Ålesund.

Stillingane vil omfatte sjølvstendig oppgåveløysing på høgt fagleg nivå med kontakt og kommunikasjon både internt og eksternt. Stillingane kan bli tillagt prosjektleiing, kvalitetssikring og utviklingsoppgåver. 

Arbeidsoppgåvene vil mellom anna vere:

• mottak, ordning, registrering og formidling av arkiv
• saksbehandling av innsynsførespurnader
• rådgjeving i arkivfaglege problemstillingar

Kvalifikasjonar

• ønskeleg med erfaring frå arkiv- og ordningsarbeid
• kjennskap til offentleg forvaltning
• gode datakunnskapar
• utviklingsorientert
• god munnleg og skriftleg framstillingsevne

Krav til kompetanse
Utdanning på masternivå innan relevante fag. Søkar med utdanning på bachelornivå vil kunne bli vurdert.
Vi søker etter medarbeidarar som er strukturerte, nøyaktige og effektive.

Vi tilbyr

• Arbeid med fagleg utfordrande arbeidsoppgåver
• Samarbeid med nasjonalt kompetansemiljø
• Eit tverrfagleg godt arbeidsmiljø
• Pensjonsordning i KLP
• Løn etter avtale

Stillinga vil medføre noko reise og søkaren må ha førarkort.