Rådgjevar/ Seniorrådgjevar Plan og portefølje

Jernbanedirektoratet skal sørgje for at jernbanesektoren driv mest mogleg effektivt, sikkert og miljøvennleg, til det beste for dei reisande, godstransporten og samfunnet. Ein viktig del av dette er å omsetje nasjonale mål til konkrete resultat.

Vi søker rådgjevar/seniorrådgjevar til ein nyoppretta seksjon for Plan og portefølje. Seksjonen skal sørgje for at planar blir gjort om til handling på så effektivt som mogleg, og dermed bidra til å styrke Jernbanedirektoratet si gjennomføringsevne. Dette krevj at medarbeidarane i seksjonen spelar på lag med alle einingar i Jernbanedirektoratet og dei andre aktørane i jernbanesektoren.

Arbeidsoppgaver

• Sikre god samanheng mellom strategiar, planlagt togtilbod og infrastrukturtiltak
  
• Vedlikehalde og oppdatere direktoratet sitt verktøy for dokumentasjon av samanhengen mellom tilbodsforbetringar, infrastruktur og togmateriell
  
• Sørgje for god samanheng mellom Jernbanedirektoratet sitt handlingsprogram og innspel til statsbudsjettet og avtalar med Bane NOR
  
• Andre oppgåver under seksjonen sitt ansvarsområde
  

Kvalifikasjoner

•  Relevant høgare utdanning, gjerne på masternivå
• God forståing av offentleg sektor og politiske prosessar
  
• Erfaring frå samferdslesektoren, handsaming av statlege investeringar/utbyggingsprosjekt eller liknande er ønskeleg
  
• Kjennskap til databasar/datavarehus er ein forde
  

Personlige egenskaper

• Evne til å arbeide sjølvstendig og saman med andre
  
• Samfunnsengasjert
  
• Strukturert og kvalitetsbevisst
  
• God munnleg og skriftleg framstillingsevne på norsk
  

Vi tilbyr

• Eit godt arbeidsmiljø i moderne og sentralt plasserte kontor i Oslo
  
• Utfordrande og varierte arbeidsoppgåver, mykje ansvar og moglegheit til å påverke politiske avgjerder
  
• Gode utviklingsmoglegheiter i eit direktorat og i ein sektor det vert satsa på
  
• Avhengig av kvali?kasjonane til søkaren er stillinga lønna etter stillingskode 1434 Rådgjevar/1364 Seniorrådgjevar med lønnspenn frå kr 550 000 - kr 815 000. Det blir trekt 2 prosent av bruttolønn som innskott til Statens pensjonskasse.

Det er viktig at du kjenner deg igjen i verdiane våre: Nytenkande, Open, Modig og Kompetent, og kan vere ein kulturberar av desse.

Eit godt arbeidsmiljø er kjenneteikna av mangfald, og vi oppmodar alle kvalifiserte til å søke - uansett alder, kjønn, funksjonsevne, etnisk bakgrunn, seksuell legning eller hol i CV-en. Arbeidsforholda vil bli lagt til rette for medarbeidarar med nedsett funksjonsevne. Vi gjer oppmerksam på at opplysningar om nedsett funksjonsevne eller hol i CV-en kan bli brukt til registreringsformål.

Alle førespurnader blir behandla kon?densielt fram til søknadsfristens går ut. Deretter blir det sett opp ei offentleg søkarliste. I samsvar med offentleglova §25, kan opplysningar om søkjaren bli unntatt frå den offentleg søkjarlista, dersom søkjaren sjølv oppmodar om det. Den som ønskjer å reservere seg mot å se på offentleg søkjarliste, må grunngje dette. Ved eit eventuelt avslag, vil søkjer bli kontakta før offentleggjering og få tilbod om å trekkje søknaden. Det er ønskeleg med snarleg tiltreding. Etter tilsetting gjeld 6 månader prøvetid.