Engasjement for kommunikasjon og digital marknadsføring? Flytte til Sogndal?

Gasta har suksess med satsing på publiseringsverktøyet Squarespace, og vi har behov for to nye kollegaer til vårt kontor i Sogndal:

Rådgivar/innhaldsprodusent

Dette er ei stilling for deg som har litt erfaring, gjerne som rådgivar og/eller innhaldsprodusent. Vi er på jakt etter deg som kan fortelje dei gode historiane og presentere dei på ein delikat måte som skapar engasjement. Du vil jobbe sjølvstendig mot kundar i heile landet, avdekke kundebehov og forme kommunikasjonsstrategiar for å skape suksess og vekst. Du bør også ha grunnleggjande forståing for søkemotoroptimalisering.

Vi ser etter deg som:

• har lidenskap for kommunikasjon
• er ein allsidig skribent som likar å jobbe med ulike tema og kundar
• er kreativ, analytisk og engasjert
• har stor interesse for digital marknadsføring og teknologi
• er komfortabel med å skrive nynorsk
• gjerne har journalist- eller tekstforfattarbakgrunn
• har erfaring med å utvikle kommunikasjonsstrategiar
• er sjølvstendig og har eit kommersielt fokus

Digital marknadsførar

Om du er nyutdanna eller har lang erfaring er ikkje så nøye. Det som betyr noko er at du er lidenskapleg interessert i digital marknadsføring og oppteken av å skape gode kampanjar, nettsider og brukaropplevingar for kundar. Du vil vere prosjektleiar på nettsideprosjekt og jobbe tett med kundane våre på kampanjar, annonsar, søkemotoroptimalisering, support og opplæring for å skape suksess og vekst.

Vi ser etter deg som:

• har stor interesse for digital marknadsdsføring og teknologi
• har erfaring med nettsider og publiseringsverktøy
• har erfaring med Google Ads og Facebook Ads
• har kjennskap til Google Analytics og gjerne Google Search Console
• er sjølvstendig og har eit kommersielt fokus
• kan formulere seljande tekstar og vere komfortabel med nynorsk
• forstår grunnleggjande søkemotoroptimalisering (SEO)
• har litt kunnskaper om bilderedigering, gjerne Photoshop

For begge stillingane gjeld

• 100% fast stilling
• Stor kundemasse med varierande behov
• Prosjekt der ein jobbar i team
• Ein kvardag med mykje ansvar og spennande utfordringar
• Engasjerte kollegaer og eit godt arbeidsmiljø, både internt og på Campus
• Kø- og bompengefri kvardag med kort avstand til det meste
• Konkurransedyktig lønn etter avtale
• Treningskort på Idrettsenteret, som held til i etasjen under oss

Arbeidsstad

• Campus Sogndal