Er du vår nye innkjøpar?

NHH har ledig ei fast stilling i 100 prosent som rådgivar. Stillinga er plassert i Økonomiavdelinga som har ansvaret for økonomistyring, regnskap, lønn, budsjett og innkjøp. Avdelinga har og ansvar for rekneskapsføring og sekretærfunksjon for 13 fond. Det er til saman ni tilsette ved avdelinga. Vi søkjer etter ein ny medarbeidar som kan bidra til at anskaffingar på NHH er i tråd med regelverket for offentlege anskaffingar. I tillegg er sekretæroppgåvene knytt til fonda lagt til denne stillinga. Vi søkjer etter ein engasjert og dyktig medarbeidar som trivs i eit hektisk fagmiljø med ein travel og variert kvardag. Stillinga er fagleg utfordrande og du vil ha kontakt med kollegaer i administrasjonen og i fagstab, og med mange av leverandørane våre.

• gjennomføre anskaffingar på vegne av ulike institutt og avdelingar
• følge opp inngåtte leverandøravtalar  
• rapportering av nøkkeltal og analyse av data innan innkjøpsområdet
• oppfølging og opplæring av interne innkjøparar
• innkalle og halde styremøte for NHH sine fond, samt skrive referat og informere om tildelingar
• vedlikehalde informasjon om fonda i Brønnøysundregistra

Det vil vera gode moglegheiter for å bidra med forbetringar og effektivisering av arbeidsprosessar knytt til innkjøp.

Du må rekne med endringar i arbeidsoppgåver over tid.

• utdanning fortrinnsvis på masternivå innan økonomi/rekneskap/jus/teknisk (relevant realkompetanse kan i unnatakstilfelle erstatte utdanningskravet)
• minimum tre års relevant erfaring
• svært gode norsk- og engelskkunnskapar, skriftleg og munnleg
• gode ferdigheiter med bruk av digitale verktøy

Det er ein føremon at du har

• kjennskap til lov- og avtaleverk innan offentlege anskaffingar
• forståing for rekneskap/økonomistyring
• erfaring med Agresso økonomi-, bestillings- og fakturasystem eller liknande type system.
• kjennskap til digitale verktøy som blir brukt ved NHH med særlig vekt på P360 og Agresso web

Vi ser etter deg som

• er serviceinnstilt og god på mellommenneskelege relasjonar
• er initiativrik og sjølvstendig
• er tålmodig og uthaldande
• er strukturert
• er løysingsorientert og fagleg trygg i møte med andre

• varierte faglege utfordringar og gode moglegheiter for utvikling
• eit godt arbeidsmiljø med gode kollegaer
• fleksibel arbeidstidsordning
• gode forsikrings-, pensjons- og låneordningar i Statens pensjonskasse
• velferdsgode som subsidiert trening, bedriftshytte og gratis parkering

Stillinga har kode 1434 - rådgivar og vert løna etter statens regulativ frå kr. 522 800 - 583 500 per år avhengig av kvalifikasjonar. For særleg kvalifiserte søkjarar kan høgare løn bli vurdert. Eit innskot på to prosent til Statens pensjonskasse blir tekt frå løna. I tillegg betalar NHH som arbeidsgjevar for tida 13,2 prosent.

Den statlege arbeidsstyrken skal i størst mogleg grad spegle mangfaldet i befolkninga. Difor er det eit personalpolitisk mål å oppnå ei balansert alders- og kjønnssamansetjing, rekruttere personar med innvandrarbakgrunn og personar med nedsett funksjonsevne.

Vi gjer merksam på at opplysningar om søkjarar kan bli offentleggjorde sjølv om søkjaren har bede om å bli unnateken frå søkjarlista. Søkjarar vil bli informerte om dette på førehand.

Kontakt gjerne økonomisjef Kari Blom tlf. 454 25 249 for nærare informasjon om stillinga.

Søknadsfrist 12. september 2019.