Har du lyst til å jobbe med likestilling og betre levekår for menneske med funksjonsnedsetjing?

Stillinga er ei fast stilling i seksjon for likestilling og kulturelt mangfald. Vi søker deg som har særleg interesse for og erfaring med politikkutvikling på områda personar med funksjonsnedsetjing og universell utforming. Eit godt kunnskapsgrunnlag er sentralt for politikkutviklinga, og du må derfor ha erfaring med utvikling av kunnskapsgrunnlag og kjennskap til forsking og praksis på området.

• bidra til å utvikle og følge opp ein handlingsplan for personar med funksjonsnedsetjing
• bidra til å utvikle ein ny handlingsplan for universell utforming
• gje fagleg funderte råd som kan bidra til å utvikle politikkområdet 
• vurdere effektar av ulike tiltak og ordningar 
• identifisere kunnskapshol på fagområdet 
• bidra til å utvikle tiltak og strategiar 
• utføre andre oppgåver innanfor heile breidda av avdelinga sin portefølje 

Vi ser etter deg som har utdanning på masternivå som er relevant for avdelinga sine arbeidsområde. Du bør ha kjennskap til og erfaring med politikkområdet likestilling og ikkje-diskriminering. Det er òg ein fordel om du har kjennskap til forsking og særleg erfaring med utvikling av kunnskapsgrunnlag innanfor området.

I tillegg ser vi at du 

• er fleksibel, sjølvstendig og har svært gode samarbeidsevner 
• har evne til strategisk og analytisk tenking 
• har god forståing for forholdet mellom politikk og forvaltning og for embetsrolla 
• har erfaring frå offentleg forvaltning, fortrinnsvis departementserfaring 
• er initiativrik, utviklingsorientert og har gjennomføringsevne 
• har svært god munnleg og skriftleg formidlingsevne på norsk og engelsk 

Vi legg vekt på at du personlig høver til stillinga, og du må vere budd på å stille kompetansen din til disposisjon for andre seksjonar og avdelingar i departementet. 

• eit kunnskapsrikt og stimulerande arbeidsmiljø
• varierte og utfordrande arbeidsoppgåver i spenningsfeltet mellom politikk og fag
• kompetente og resultatorienterte medarbeidarer
• hyggeleg og uformelt arbeidsmiljø
• fleksibel arbeidstidsordning
• trening i arbeidstida
• fine sentrumsnære lokale
• god pensjonsordning gjennom Statens pensjonskasse

Du blir tilsett som rådgivar eller seniorrådgivar avhengig av erfaring.

For å bli vurdert som seniorrådgivar må du normalt ha minimum fem års erfaring som er direkte relevant for stillinga.

• Rådgivar: frå kr 464 000 til kr 563 700 brutto per år
• Seniorrådgivar: frå kr 532 300 til kr 691 400 brutto per år

For særleg kvalifiserte søkarar kan høgare lønn bli vurdert.

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ei balansert samansetjing av tilsette på tvers av alder og kjønn, og å rekruttere personar med innvandrarbakgrunn, nedsett funksjonsevne og personar som har stått utanfor arbeid og utdanning i ein lengre periode. Opplysningar om dette kan bli brukt til registerformål.

Opplysningar om søkaren kan offentleggjerast sjølv om søkaren har bedt om å ikkje bli ført opp på den offentlege søkarlista. Departementet vil svare på krav om unntak frå den offentlege søkarlista før vi offentleggjer lista.

Vil du vite meir om stillinga, kan du ta kontakt med Siw Ellefsen på mobil 911 788 16.