Førstekonsulent/rådgjevar (HR)
Samferdselsdepartementet
- Frist 30.8.2019
- Ansettelsesform Fast
Vi søkjer ny HR-medarbeidar
Arbeidsoppgåver
Administrativ seksjon er ein av tre seksjonar i Strategi-, økonomi- og administrasjonsavdelinga. Seksjonen samordnar interne planprosessar knytt til personal-, organisasjons- og IKT-utvikling, og har og ansvar for arkiv og kontortenester. Administrativ seksjon har mellom anna ansvar for departementet sin personaladministrasjon, personal- og organisasjonsutvikling og HMS-arbeid. Til HR-teamet i seksjonen søkjer vi nå ein ny kollega som skal jobbe med
- sakshandsaming innan personalforvalting
- oppfølging og kontroll av lønnstenester frå DFØ
- støtte til leiarar og medarbeidarar i personalspørsmål
- oppfølging av sjukefråvær, IA og inkluderingsdugnaden
- HMS og arbeidsmiljø og vere sekretær for AMU
- førebuingar og gjennomføring av lokale lønnsforhandlingar
- utarbeiding av personalstatistikk
Du vil og delta i anna HR-arbeid, mellom anna knytt til rekruttering og kompetanseutvikling.
Kvalifikasjonar
Vi søkjer deg som har relevant høgare utdanning, og interesse for personalforvalting. Erfaring frå statleg verksemd og kjennskap til statleg regelverk er ønskjeleg. Det er ein fordel med erfaring frå arbeid med personalforvalting, lønn, SAP HR og HMS.
Du må vere nøyaktig og sjølvstendig, kunne ta initiativ, vere serviceinnstilt og ha gode samarbeidsevner. Du må dessutan ha god munnleg og skriftleg framstillingsevne og gode IKT-kunnskapar. Vi legg vekt på at du er eigna for stillinga.
Vi kan tilby
Vi kan tilby deg spanande og utfordrande oppgåver i eit hyggeleg miljø med dyktige og engasjerte kollegaer. Vi har fleksibel arbeidstid, moglegheit for trening i arbeidstida og medlemskap i Statens pensjonskasse.
Stillinga blir lønna som førstekonsulent/rådgjevar i spennet 460 000 - 560 000. Nyutdanna kan søkje. Vi krev 2-3 års relevant erfaring for innplassering som rådgjevar.
Generell informasjon
Du kan få nærare informasjon om stillinga ved å kontakte avdelingsdirektør Gyri Solnørdal Jenssen, tlf. 22 24 81 19.
Samferdselsdepartementet deltek i regjeringa sin inkluderingsdugnad. Vi vil gjerne ha søknader frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Vi gjer oppmerksam på at opplysningar om nedsett funksjonsevne eller hol i CV-en kan bli brukt til registreringsformål.
I samsvar med offentleglova §25, kan opplysningar om søkjar unntakast offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjer bli kontakta før offentleggjering og få tilbod om å trekkje søknaden.
Om arbeidsgiveren
Samferdselsdepartementet er regjeringa sitt utøvande organ for politikkutforming, forvalting, etatsstyring og eigarstyring innanfor transport- og kommunikasjonssektoren.
Samferdselsdepartementet skal bidra til effektive, tilgjengelege, sikre og miljøvennlege løysingar som dekkjer samfunnet sitt behov for transport og kommunikasjon og fremjer regional utvikling.
- Sektor: Offentlig
- Sted: Akersgata 59 (R5), Oslo, 0030 Oslo
- Bransje: Offentlig administrasjon
- Stillingsfunksjon: HR, personal og rekruttering, Lønn, Saksbehandler
- FINN-kode 154893725
- Sist endret