Engasjert medarbeidar med kompetanse innan kommunikasjon 

Lotteritilsynet søker etter ein engasjert medarbeidar som skal hjelpe avdelinga med å ha god kommunikasjon med interne og eksterne brukarar, bidra til moderne tilsynsarbeid og vere ein ressurs i sakshandsaming av forvaltningsoppgåver.

Arbeidsoppgåver

• sikre god kommunikasjon mot eksterne brukarar
• fasilitere samarbeid og deling av insikt og fagkunnskap internt og eksternt
• saksbehandling innan Lotteritilsynet sine til ei kvar tid prioriterte oppgåver

Kvalifikasjonar

• høgare utdanning innan kommunikasjon-, media-, - journalistikk eller samfunnsvitskap
  
• erfaring med kunnskapsformidling

Personlege eigenskapar

• Du har gode evner til sjølvstendig arbeid
• Du tek initiativ, løyser problem og samarbeider godt med andre
• Du har gode ferdigheiter i skriftleg og munnleg norsk og engelsk 
• Du er positiv og samfunnsbevisst
• Du er nysgjerrig og følger med på korleis verda endrar seg for å kunne tilpasse det vi gjer på ein god måte

Det blir lagt vekt på personlege eigenskapar 

Vi tilbyr

• tverrfagleg arbeidsmiljø med breitt samansett kompetanse og erfaringsbakgrunn
• positive og engasjerte medarbeidarar med stor interesse for sine fagområde
• varierte og utfordrande arbeidsoppgåver der du kan påverke din eigen arbeidskvardag
• gode velferdsordningar og ein generelt fleksibel personalpolitikk, også når det gjeld vidareutdanning, kurs og opplæring
• medlemskap i Statens Pensjonskasse, som gjev gunstige pensjons- og lånevilkår
• fleksibel arbeidstid og betalt overtid
• moderne kontorbygg i Førde sentrum, m.a. med eige treningsrom og kantine
• IA-bedrift
• lønsplassering skjer på grunnlag av kvalifikasjonar og ansiennitet.

Rådgjevar blir løna i stillingskode 1434, og seniorrådgjevar i stillingskode 1364. Frå løna blir det trekt 2 prosent til innskot i Statens pensjonskasse. Stillinga har seks månaders prøvetid. Lotteri- og stiftelsestilsynet er opptatt av mangfald, og vi oppmodar difor alle kvalifiserte kandidatar til å søkje uavhengig av alder, kjønn, funksjonsevne, nasjonalitet eller etnisk bakgrunn. Om du ønskjer å reservere deg frå oppføring på offentleg søkjarliste, må du opplyse om dette og grunngje det i søknaden. Opplysingar kan bli offentleggjorde sjølv om du har bedt om ikkje å bli oppført på søkjarlista. Du vil bli varsla dersom di oppmoding om reservasjon ikkje vert teken til følgje.