Inspektørar ved Førde trafikkstasjon
Statens vegvesen
- Frist 26.8.2019
- Ansettelsesform Fast
Inspektørar ved Førde trafikkstasjon
Om stillinga
Vi søkjer to nye inspektørar ved Førde trafikkstasjon. På laget vårt vil du vere ansvarleg for gjennomføring av praktiske og teoretiske førarprøvar. Det inneber at du har evne og interesse til å foreta objektive vurderingar av trafikantane si trafikkforståing og meistring av køyretøy i trafikken. Du er også engasjert i trafikksikkerheit og trafikksikker køyring.
Hjå oss vil du i stor grad arbeide med forvaltning av lov og forskrifter og har ein stor grad av direkte kontakt med publikum. Vi søkjer difor etter deg som trivast med menneske og har ynskje om å utvikle dine formidlingsevner. Du ser det som ei positiv utfordring å kombinere myndigheitsrolla med tenesteyting.
Arbeidsoppgåver
- Sensurering av praktiske førarprøver
- Sakshandsaming
- Andre trafikktryggingsoppgåver kan vere aktuelt ved behov
- Det må påreknast reising mellom oppkøyringsstadane
- Andre arbeidsoppgåver kan bli tillagt stillinga
Kvalifikasjonskrav
- Relevant utdanning frå universitet eller høgskule, min. 3-4 år
- Førarkort klasse B, samt føresetnad for å oppnå dei andre førarkortklassane, dvs. oppfylle dei helsekrav som er fastsette for å kunne få førarrett i klasse D
- Ha fylt 25 år og ha hatt førarrett i klasse B samanhengande dei siste 5 år
For søkjarar med sterk og allsidig praksis frå dei aktuelle fagområda og gode personlege føresetnader for stillinga, kan kravet til utdanning fråvikast.
Dersom du har teke heile eller delar av utdanninga di i utlandet, ønskjer vi ei autorisert omsetjing av dine papir og godkjenning frå NOKUT (www.nokut.no).
Som ein del av opplæringa vil du og få delta på vår interne høgskuleutdanning innan fagområdet. Obligatorisk opplæring startar i januar 2020 og det er ein føresetnad at aktuelle søkjarar kan tiltre i stillinga innan 01.01.2020.
Vi vil leggje særs vekt på dine personlege eigenskapar og ynskjer ein kollega som:
- Har sosiale og pedagogiske evner
- Evne til kommunikasjon og kundebehandling
- Evne til å arbeide sjølvstendig, systematisk og nøyaktig
- har gode språkferdigheiter munnleg og skriftleg på norsk og engelsk
- Er lojal og pliktoppfyllande
- Spelar på lag og likar å samarbeide
Kvalifiserte søkjarar med lokal tilknyting vil bli føretrekt.
Stort engasjement, gode strukturar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.
Medarbeidarane våre fortel om spennande arbeidskvardagar med god balanse mellom arbeid og fritid.
Vi tilbyr også desse goda:
- introduksjonsprogram og fadderordning
- fleksitid
- pensjonsordning og høve til å få lån i Statens pensjonskasse
- etatsskular og høve til fagleg påfyll
Lønn blir fastsett etter nærmare avtale i samsvar med etatens lønnspolitikk, og det vert trekt 2 prosent pensjonsinnskot til Statens pensjonskasse.
Statens vegvesen ønskjer å vere ein arbeidsgjevar som speglar mangfaldet i samfunnet. Me jobbar for å realisere regjeringa sin inkluderingsdugnad, og vil gjerne ha ein søknad også frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Me gjer merksam på at opplysningar om nedsett funksjonsevne eller hol i CV-en kan brukast til registrering.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
Kontaktperson
Seksjonssjef Torbjørn Brosvik på mobil 402 40 468
Søknadsfrist 26.08.19
Om arbeidsgiveren
Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, driftar og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med
ca. 7500 engasjerte medarbeidarar med brei kompetanse fordelt på Vegdirektoratet og fem regionar. Vi er inne i ein periode med fleire spennande endringsprosessar, noko som vil påverke både struktur og oppgåvesamansetjing.
- Sektor: Offentlig
- Antall stillinger: 2
- Sted: Sanderplassen, 6800 Førde
- Bransje: Bygg og anlegg
- Stillingsfunksjon: Saksbehandler
- FINN-kode 154014366
- Sist endret