Barnevernspedagog/ sosionom
- Arbeidsgiver
- Fylkesmannen i Vestland
- Stillingstittel
- Rådgjevar/ seniorrådgjevar
- Frist
- 01.09.2019
- Ansettelsesform
- Fast
Helse, sosial og barnevern har ledig ei fast stilling for tilsetjing frå september 2019.
Avdelinga har ulike rådgjevings- og forvaltningsoppgåver, og fører tilsyn med barnevern, helse-, omsorg- og sosialtenestene. Avdelinga har brei kontakt med kommunar, spesialisthelsetenester og nasjonale styresmakter. Vi behandlar enkeltsaker og fører tilsyn med kommunar, helseføretak og institusjonar, gir råd og rettleiing og medverkar til gjennomføring av nasjonale mål.
Fylkeslegen leier avdelinga som har tilsette med barnevern-, sosial-, helse-, juridisk, pedagogisk, samfunnsfagleg og administrativ kompetanse.
Avdelinga har tre seksjonar og kontorstader på Leikanger og i Bergen. Stillingane er knytt til seksjon sosial og barnevern, med kontorstad Leikanger.
Oppgåvene som ligg til stillinga er i hovudsak tilsyn innan fagområdet, behandling av saker, rettleiing og informasjon til brukarar, tilsette og leiarar i tenestene. Arbeidet er variert og i stor grad tverrfagleg. Andre oppgåver kan verte tildelt etter avtale med seksjonsleiar.
Kvalifikasjonar:
- barnevernsfagleg utdanning frå universitet eller høgskule
- god kjennskap til og erfaring frå arbeid innan barnevern og forvaltning blir vektlagt
- leiarerfaring er ønskjeleg
Personlege eigenskapar:
Vi søkjer etter medarbeidarar med erfaring, interesse og engasjement for barnevernstenester.
Personen vi søkjer må ha gode samarbeidsevner og kunne kommunisere kompliserte problemstillingar på ein god måte.
God skriftleg formidlingsevne på nynorsk og bokmål er ein grunnleggjande føresetnad. Vi ber om å få lagt fram arbeid som viser dette i praksis. Den som får stillinga, må kunne arbeide sjølvstendig innanfor dei fristane som er sett og vere innstilt på å samarbeide nært med kollegaer. Personlege eigenskapar, fleksibilitet og omstillingsevne blir vektlagt.
Som tilsett hos Fylkesmannen får du:
- interessante arbeidsoppgåver
- ein arbeidsplass i utvikling
- eit kompetent og godt tverrfagleg arbeidsmiljø
- medlemskap i offentleg tenestepensjonsordning
- fleksibel arbeidstid
Vilkår:
Stillinga er lønna i stillingskode 1434 rådgjevar frå kr 460 000 til kr 540 000 eller i stillingskode 1364 seniorrådgjevar frå kr 550 000 til kr 600 000 ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.
Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonsevne, nasjonalitet eller etnisk bakgrunn. Embetet er IA-verksemd, og vil leggje til rette for arbeidstakarar med nedsett funksjonsevne.
Dei første seks månadane er prøvetid.
Tenestemålet er nynorsk.
Vitnemål og attestar må leggjast ved søknaden.
Søkarlista er i utgangspunktet offentleg. Du kan be om unntak dersom vilkåra i lova er til stades.
Nærare opplysningar om stillinga får du hjå fylkeslege Helga Arianson, fmhohar@fylkesmannen.no, tlf. 970 33 108 og seksjonssjef Øystein Breirem Jacobsen, fmhoobj@fylkesmannen.no, tlf. 926 621 111.
Om arbeidsgiveren
Fylkesmannen er statens representant i fylket, og har ansvar for å følgje opp vedtak, mål og retningslinjer frå Stortinget og Regjeringa. Fylkesmannen skal dessutan fremje fylka sine interesser, og kan ta initiativ både lokalt og overfor sentrale styresmakter.
Fylkesmannen i Vestland har delt lokalisering mellom Leikanger, Bergen og Førde - med hovudsete i Leikanger.
- Sektor
- Offentlig
- Sted
- Njøsavegen 2, 6863 Leikanger
- Bransje
- Offentlig administrasjon
- Stillingsfunksjon
- Barnevernspedagog,
- Saksbehandler