Løysingsarkitekt Datavarehus

Som Løysingsarkitekt for datavarehus vil du bli ein sentral ressursperson for utviklarteamet og bestillerne, og få moglegheit til å påverka vegval for data- og analyseområdet i Helse Vest. Vår Løysingsarkitekt har gjerne bakgrunn som datavarehusutviklar, har god forretningsforståing og meiner at heilskapen er meir enn summen av detaljane.

Vi står no i ei digital omgjering av helsevesenet, og det er stort fokus på å nytte styringsinformasjon for å nå måla om god og oppdatert kunnskap i spesialisthelsetenesta på Vestlandet. Ved å benytte ulike kjelder har vi ein unik moglegheit til å følgje befolkninga si helse gjennom livsløpet, og på den måten øke kunnskap for å bidra til betre pasientbehandling. Les meir om den spennande satsinga i Helse Vest si strategiplan: Helse2035

Seksjon for Styringsdata utgjer eit solid fagmiljø som utviklar og forvaltar løysingar innan styrings- og verksemdsinformasjon, og medisinske kvalitetsregister. Hjelpsomhet, tillit og respekt står sentralt i seksjonen, og vår kultur for deling av kunnskap og erfaringar er høgt verdsett blant medarbeidarane. Løysingsarkitekten vil inngå i Datavarehusteamet, og bli ein viktig bidragsytar til at teamet utviklar løysingar i samsvar med behova i verksemda, arkitekturprinsipp, strategiar og beste praksis. 

Stillinga kan vere lokalisert både i Stavanger og Bergen.

Nøkkelord: Business intelligence, forretningsanalyse, datavarehus, løsningsarkitekt, strategi, forretningsutvikling, IT-arkitekt, IKT-arkitekt, informasjonsarkitekt, applikasjonsarkitekt, BI.

Arbeidsområde

Oppgåvene består mellom anna av:

• Arkitekturrådgivning og utarbeida arkitekturvurderingar
• Vidareutvikla, forvalta og kommunisera datavarehusets målarkitektur og arkitekturprinsipp 
• Organisera og leia regionale arkitekturmøte, og vere seksjonens bindeledd mot andre arkitekturmiljø i Helse Vest 
• Sørga for at utvikling av datavarehusløysingar skjer i samsvar med arkitekturprinsipp, strategiar og beste praksis 
• Delta i strategiarbeid for data- og analyseområdet 

Kvalifikasjonar

• Relevant utdanning frå høgskule/universitet
• Det er ønskeleg med erfaring frå eitt eller fleire av følgjande område
  • Datavarehusutvikling og/eller -forvaltning, helst med Microsoft som teknologi
  • Løysingsarkitektur i større organisasjonar/prosjekt
  • Modellering av informasjonssystemer etter Kimballs metode 
  • Endringsarbeid innan helsesektoren
  • Strategiarbeid  
• Interesse for styringsinformasjon og teknologi
  

Vi søker deg som er sterk på

• å sjå heilskap og samenhengar
• å utarbeide solide arkitekturvurderingar til beslutningsorgan
• å ta initiativ og finne løysingar
• samarbeid og tydeleg kommunikasjon med både utviklarar, klinikarar, økonomar og anna personell i sektoren
• orden og metodikk, men fleksibel når det trengst
  

Vi tilbyr

• Spennande oppgåver innanfor både lokale, regionale og nasjonale prosjekt
• Eit profesjonelt, men uformelt arbeidsmiljø
• Gode høve til fagleg utvikling på jobben, og tilrettelegging for vidareutdanning
• Ein arbeidsgjevar som satsar på trivsel og kunnskapsbygging, med inkluderande kollegaer
• Jobbe innan ein bransje som står ovanfor store teknologiske løft, med mogelegheit til å forme IT-løysingar for eit helsevesen for framtida
• Fleksible arbeidsordningar, derunder fleksitid
• Løn etter avtale
• Medlemskap i KLP som sikrar gode pensjonsrettar