Er du vår nye fagperson til prosjektering og prosjektgjennomføring?
- Arbeidsgiver
- Voss kommune
- Stillingstittel
- Ingeniør veg-planlegging
- Frist
- 24.10.2019
- Ansettelsesform
- Fast
Til driftsavdelinga for veg og VA (vatn/avløp) søkjer me veg-ingeniør til prosjektering, prosjekt- og byggeleiing samt kommunal sakshandsaming. Avdelinga nyttar prosjekteringsmedia Novapoint og Autocad og det er ynskjeleg at søkjar beherskar dette eller tilsvarande verktøy.
Driftsavdelinga har arbeid innanfor veg-, vatn og avløpssektoren. Kommunen eig og driftar 320 km veg og 120 bruer. På VA-sida er det til saman ca. 300 km med vass- og avløpsleidningar, 75 pumpestasjonar, 8 vassverk og 11 reinseanlegg. Avdelinga har ansvar for å forvalte og utøve eigarskap til kommunen sine veg- og VA-oppgåver til beste for kommunen sine innbyggjarar. Driftsavdelinga har 35 tilsette.
Sentrale arbeidsoppgåver
- Prosjektering av veg-anlegg
- Overvatn, flom- og skredvern
- Rullering av hovudplan for trafikksikring
- Kommunal sakshandsaming
- Prosjektgjennomføring
- Informasjon og rettleiing av kundar
- Samhandling med andre fagfelt som til dømes VA og bygg/eigedom
Me ynskjer medarbeidarar med
- Kvalifikasjonar som tilsvarar ingeniørhøgskule/bachelor eller sivilingeniør/master
- Gode datakunnskapar
- Erfaring med prosjektstyring og veg- men gjerne også VA-planlegging
Me legg vekt på gode samarbeidsevner, sjølvstende og positiv haldning.
Me tilbyr
- Ein trygg og god arbeidsstad med spennande oppgåver
- Ein inkluderande arbeidsplass der me legg til rette for fagleg og personleg utvikling
- Høve til å påverka eigen arbeidskvardag
- Eit godt tverrfagleg og sosialt miljø
- Mektig natur, ski- og fritidsterreng med aktivitetar frå fjord til fjell
- Ei levande kulturbygd med gode oppvekst- og utdanningsvilkår
- Gode forsikrings- og pensjonsordningar
- Løn etter kommunalt avtaleverk og elles tilsetjing på vanlege kommunale vilkår
- Hjelp til å skaffe bustad og barnehageplass
Søknad
Voss kommune ynskjer eit større aldersmangfald mellom dei tilsette, og oppmodar difor yngre arbeidstakarar om å søkje. Kommunen har eit personalpolitisk mål om at arbeidsstaben skal gje eit bilete av folkesetnaden generelt, både når det gjeld kjønn og kulturelt mangfald. Alle medarbeidarar vert tilsett i Voss kommune og ikkje på den einskilde arbeidsstad. Frå 01.01.2020 vert tilsetjinga vidareført frå Voss kommune til Voss herad. Søkjarar må kunna snakka norsk og skriva nynorsk.
Søk på stillinga via www.voss.kommune.no. Hugs å gje opp referansar. Attestar og vitnemål skal leggjast ved elektronisk eller sendast Voss kommune, boks 145, 5701 VOSS, merka med stillingsreferanse. Søknadspapira vert ikkje returnerte. Ifølgje Offentleglova §25 skal det svært gode grunnar til for å skjerme søkjarar frå offentleg søkjarliste.
Om arbeidsgiveren
Voss - bygd for sterke opplevingar
Det er lett å bu og trivast på Voss, for i tillegg til å eta smalahove eller hoppa i fallskjerm, har me mykje meir å by på!
Voss kommune og Granvin herad slår seg saman til Voss herad frå 2020. Det nye heradet får om lag 15.500 innbyggjarar, med Vossevangen som regionssenter. Bygda vår er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo.
Voss herad får om lag 1350 tilsette. Administrasjonsmålet i kommunen er nynorsk. Kan du identifisera deg med verdiar som profesjonell, påliteleg, skapande og inkluderande, kan du bli ein del av laget vårt. På vanleg vossa-vis går me for å bli verdas beste herad.
- Nettverk
- Sektor
- Offentlig
- Sted
- Uttrågata 9, 5700 Voss
- Bransje
- Bygg og anlegg,
- Offentlig administrasjon,
- Annet
- Stillingsfunksjon
- Ingeniør / Asfaltingeniør,
- Ingeniør / Bygge- og anleggsteknikk,
- Ingeniør / Samferdselsteknikk og arealplanlegging
Nøkkelord
veiplanlegging, veikonstruksjon, flom og skred, trafikk, trafikksikring
Spørsmål om stillingen
- Kontaktperson
- Bjarne Løne
- Stillingstittel
- leiar driftsavdelinga
- Mobil
- 95 08 67 72
- Kontaktperson
- Torbjørg Austrud
- Stillingstittel
- kommunalsjef teknisk
- Mobil
- 91 87 42 00
Uttrågata 9, 5700 Voss