Seniorrådgjevar operasjonsseksjonen

Kystverket er tillagt oppgåver i samband med føresegnene om akutt forureining i forureiningslova. Kystverkets beredskapssenter utøver myndigheit innan akutt forureining, har operativt ansvar for statens beredskap mot akutt forureining og ansvar for forvaltningsoppgåver relatert til fagområdet.

Stillinga inngår i beredskapssenteret sin operasjonsseksjon i Horten. 

Nokre av operasjonsseksjonen sine oppgåver er:

• sikre at den statlege beredskapen mot akutt forureining er operativt velfungerande
• vidareutvikle, planleggje, leggje til rette for og gjennomføre trening, kurs og øvingar for interne og eksterne aktørar
• koordinering og samordning med regionale og nasjonale beredskapsaktørar i Noreg
• prosjekt-, analyse- og utgreiingsoppgåver innan fagområdet beredskap mot akutt forureining
• fagoppfølging av statens slepeberedskap
  

Arbeidsoppgåver til denne stillinga

• koordinere og vidareutvikle krav til kompetanse og opplæringsaktivitetar retta mot sjøgåande beredskapsressursar
• koordinere operativ implementering av nye beredskapssystem og teknologiske nyvinningar
• bidra i planlegging, kravstilling og gjennomføring av trening, kurs og øvingar for interne og eksterne aktørar
• operativt fagleg kontaktpunkt mot Kystvakten, Sjøfartsdirektoratet og Kystverket rederi
• saksbehandling og prosjektarbeid innafor beredskapssenteret sitt arbeidsområde

Andre oppgåver kan tilleggast stillinga

Ein del reiseverksemd nasjonalt og internasjonalt må påreknast  

Kvalifikasjonar

• nautisk utdanning på fag-/høgskulenivå
• god skriftleg og munnleg framstillingsevne på norsk og engelsk
• operativ erfaring frå oljevernaksjonar (privat, kommunal eller statleg) er ønskeleg
• erfaring med utvikling og gjennomføring av trening, kurs og øvingar innanfor offentleg eller privat verksemd er ønskeleg
• erfaring frå prosjektarbeid er ønskeleg
• erfaring med analyse- og utgreiingsarbeid er ønskeleg

Personlege eigenskapar

• strukturert og høg arbeidskapasitet
• positiv og løysingsorientert
• ansvarsbevisst og sjølvstendig
• brukarorientert og fleksibel
• framtidsretta, engasjert og pålitelig

Vi tilbyr

• eit godt arbeidsmiljø
• ei utfordrande og variert stilling
  
• ferieheimsordning på nokre av fyra til Kystverket 
• avtale om fleksibel arbeidstid i staten
• god pensjonsordning i Statens Pensjonskasse

Den som vert tilsett må pårekne å bli del av Kystverket si beredskapsvaktordning.

Stillinga er plassert i stillingskode 1364 seniorrådgjevar, ltr 64-76, frå brutto kr 573 100 til brutto kr 723 200.

Arbeidsstad er for tida Horten.